fbpx
همسات فى الديجيتال ماركتينج

ايه هو سر نجاح STARBUCKS ؟

                                            ايه هو سر نجاح STARBUCKS ؟

مبدأيًا هي شركة متخصصة في مجال القهوة الجاهزة بطرق مختلفة ، وتعتبر من أفضل وأشهر الشركات اللي بتقدم القهوة ، الرئيس والمدير التنفيذي لها حاليًا هو
” هوارد شولتز ” ، وبدايته مكنتش سهلة زي ما متوقعين إزاي ؟

” هوارد شولتز ” من أصول أمريكية ، حصل على البكالوريوس في الاتصالات وبعد تخرجه اشتغل كـ بائع في شركة متخصصة في مجال صناعة الطابعات وماكينات التصوير ، بعدها انتقل كـ مُدير مبيعات في شركة متخصصة في انتاج مقطرات القهوة .

ولاحظ خلال عمله ان في شركة اسمها ستاربكس بتشتري كميات كبيرة من فلاتر القهوة من الشركة اللي هو مدير فيها ، فـ قرر يسافر لمدينة ستايل لزيارة شركة ستاربكس عشان يعرف اكتر عنها ويعرف سر شرائها لكميات كبيرة من فلاتر القهوة ، واكتشف انها عبارة من مكان بيبيع حبوب القهوة والشاي والبهارات .

وعرض على مُلاك الشركة انه يشتغل معاهم لكن وافقوا بعد سنة انه يشتغل كـ مدير تسويق و وافق ع الوظيفة واستقر في ستايل ، ومن خلال سفره لأمكان مختلفة ورحلاته لاحظ نجاح الأماكن اللي بتقدم مشروبات للقهوة المختلفة ، وقرر بعدها انه يعرض على ستاربكس انها تغير مجال شغلها وتتجه لصناعة المشروبات بنفسها لكنهم رفضوا !

استقال هوارد من ستاربكس وقرر انه ينفذ فكرته بنفسه لكنه احتاج ٤٠٠ الف دولار ، جمع جزء منهم من تمويل من ستاربكس والجزء الباقي من شخص تاني ، وفتح مشروعه الأول في ستايل .

بعدها حصل حاجة غيّرت حياة هوارد ! وهي ان مُلاك ستاربكس قرروا يبيعوا الشركة بكل فروعها لأنهم مهتمين بمجال تاني ،

فـ قرر هوارد انه يشتري الشركة وبذل جهد كبير جدًا انه يقنع مستثمرين يشاركوه وبالفعل اشترى الشركة
وبعد ٣ سنين من الشراء زاد عدد الفروع لـ ٥٥ فرع ومع وجود الفرنشايز وصل عدد الفروع لأكتر من ٣٠ ألف في ٦٤ دولة .

إيه هو سر نجاح ستاربكس بالشكل ده ؟

-ان بيتم اغلاق أي فرع لا يحقق أرباح ولا يقبل بالخسارة .
-بيتم الاهتمام بالموظفين وحمايتهم وتوفير الراحة وده ساهم في كسب ولاء الموظفين للشركة
-الاهتمام بالعملاء وتقديم أفضل جودة بأساليب راقية وده أدى لكسب رضاء العملاء واكتساب ولائهم .

النجاح مش بعيد عنك و مهم انك تتعلم استغلال الفرص في الوقت المناسب عشان تقدر توصل وتحقق نجاحك الخاص بيك

اظهر المزيد

مقالات ذات صلة

زر الذهاب إلى الأعلى
%d مدونون معجبون بهذه: