أسهل طريقتين ل
دراسة اعلانات المنافسين
قبل ما تبداء اى حملة اعلانية
انصحك تدرس اعلانات المنافسين للاسباب دى:
✅ هتعرف اكتر عن نوع الاعلانات اللى بيجيب نتيجة
✅ هتعرف الاستراتيجيات اللى بيستخدمها منافسينك
✅ هتشوف بنفسك نقاط القوة و الضعف فى اعلاناتهم
✅ هتقدر تعرف المدة الزمنية اللى محتاجها الاعلان عشان ينجح
حاليا بقى فيه طرق كتير و برامج ذكاء اصطناعى تقدر من خلالها تدرس و تحلل اعلانات المنافسين.
بس انا بحب ادخل و اشوف بنفسى عشان ادرس اكتر و اتعلم اكتر.
1️⃣ Google Ads Transparency Center
👉 هتلاقيه بنفس الاسم على جوجل سيرش
هتقدر من خلاله تحلل اعلانات اى منافس على جوجل او اى منصة تابعه لجوجل زى 👉 يوتيوب
👉 هتحدد الوقت و المكان اللى انتا عاوزه
👉 ممكن تختار شكل الاعلان او ال Format اللى انتا عاوز تدور عنها (صورة – فيديو – نص) او متحددش و تسيبه يظهرلك كل الأشكال
📌 فى جوجل لازم تدخل اسم المنافس
2️⃣ Meta Ad Library
👉 هتلاقيه بنفس الاسم على جوجل سيرش او
Facebook Ads Library
👉 لازم هنا تختار نوع الاعلان, غالبا بيبقى All Ads, الا اذا كنت بتعلن عن حاجة حكومية او سياسية
📌 فى ميتا ممكن تبحث باسم المنافس او بكلمات مفتاحية
نصايح دراسة فى دراسة اعلانات المنافسين
📍 ركز على الاعلانات اللى بقالها فترة كبيرة شغالة لان ده معناه انها بتجيب نتيجة
📍 ادخل بص على صفحة المنافس عشان تشوف بنفسك التفاعل على الاعلان
📍 حاول تدرس و تحلل استراتيجية الاعلان و هدف الشركة من الاعلان
📍 جمع افكار لاكتر الاعلانات اللى شغالة فى مجالك او مجال الشركة
