ما هي استراتيجيات التسعير ؟
مبدأيًا إستراتيجية التسعير هي طريقة بيتم استخدامها لتحديد أفضل سعر للمنتج أو الخدمة ، وأفضل سعر هو السعر اللي يحقق أرباح ، تتأثر استراتيجية التسعير بـ عوامل داخلية زي أهداف التسويق والجمهور المستهدف وصفات المنتج ، وعوامل خارجية زي أسعار المنافسين والطلب على المنتج أو الخدمة والاقتصاد .
إستراتيجيات التسعير :
التسعير على أساس التكلفة : وتعبتر أسهل طرق التسعير لأنها معتمدة على تكلفة المنتج مُضاف عليها نسبة الربح الثابتة المراد تحقيقها ، وتعتمد عليها أنشطة البيع بالتجزئة .
تخفيض السعر بمرور الوقت :
يطلق عليها إستراتيجية الكشط ، وهي ان الشركات اللي بيكون عندها منتجات جديدة بـ تسعرها بسعر عالي وبعدين بتخفض السعر بمرور الوقت ، وغالبًا بتكون منتجات تقنية .
اختراق السوق :
ودي إستراتيجية عكس إستراتيجية الكشط ، وبتكون عند دخول سوق جديد عشان يكون ليك حصة كبيرة في السوق فـ بيتم التسعير بـ سعر قليل وأقل من أسعار المنافسين لأنه ده هيساعد على جذب عملاء جدد .
الأسعار التنافسية :
بيتم تسعير المنتج أو الخدمة بسعر السوق وممكن يتحدد السعر بأعلى أو أقل من سعر السوق لأنها أسعار تنافسية .
التسعير المتميز :
و ده بيكون تحديد سعر عالي وأعلى من السوق لزيادة شعور العملاء بقيمة وجودة المنتج أو الخدمة ، والإستراتيجية بتتطبق على الشركات اللي ليها سمعة طيبة بين العملاء فـ السعر العالي بيكون مقابل الجودة العالية والعلامة التجارية .
التسعير النفسي :
وده بيتم من خلال تغييرات بسيطة على سعر المنتج أو الخدمة زي مثلًا سعر منتج بـ ٤٩.٩٩ جـ بدل من ٥٠ ، أو عرض منتج ومنتج زيادة هدية ، وده بيجذب شريحة كبيرة من العملاء .
