ادوات الاختبار
مجال الديجيتال ماركتنج بيعتمد اعتماد أساسي على التجربة والخطأ Trial & Error
مينفعش أبدا تعتمد على استهداف واحد وصورة واحدة أو فيديو واحد ومحتوى واحد وترجع تشتكي إن حملتك الإعلانية فشلت!
مهما كان اقتناعك بقوة الاستهداف والديزاين أو الفيديو اللي شغلتهم في الإعلان؛ وارد جدا يكون تقييمهم الحقيقي تحت الصفر من خوارزميات المنصات الإعلانية!
ووارد جدا تشتغل على بوست مش عاجبك انت شخصيا ويكون نتايجه فوق الممتازة!
حتى لو عملت إعلان وراضي عن أداؤه ومبسوط بيه؛ وارد تكون ضيعت على نفسك فرصة وجود إعلان تاني نتايجه ممكن تكون أحسن بكتير من نتيجة الإعلان اللي انت مبسوط بيه ده.
علشان كده بنقول دايما لازم تجرب مرة واتنين وعشرة لحد ما توصل لأفضل عناصر الإعلان من استهداف ومحتوى وديزاين وفيديو حتى نوع الحملة نفسها
وعلشان كده كل المنصات الإعلانية تقريبا بتوفرلك أدوات للاختبار زي A/B Test الخاص بفيسبوك أو Experiments الخاص بجوجل علشان تجرب وتقارن بين أكتر من عنصر من عناصر الإعلان وتقدر توصل لأفضل نسخة فيهم
حتى لو مش هتستخدم أدوات الاختبار دي لازم حملتك الإعلانية تكون بتشمل أكتر من استهداف وأكتر من صورة وأكتر من محتوى وتتابعهم بشكل مستمر لحد ما توصل لأفضل عنصر من كل حاجة وتكمل بيه الإعلان بتاعك.
#افهم_تسويق #شريف_محمود
