ازاي بشتغل على تيكتوك ادز ؟ – Step By Step Guide
هل Tiktok Ads ممكن يكون منصة بديلة ل Facebook Ads ؟
لو مهتم بتعلم أو تطوير مهارتك في عمل اعلانات على منصة تيكتوك اقترح عليك تقرأ المحتوى ده.
في السطور اللي جايه هكلمك عن ٣ نقط ممكن تساعدك في تجربة تيكتوك ادز لاستخدامه في كامبين يوم الجمعة البيضاء وباقي ايام العروض اللي جايه و النقط دي هي :
– مصادر لتعلم Tiktok Ads.
– استراتيجيات جربتها وحققت نتايج معايا في تيكتوك ادز
– ال Best practises اللي ساعدتني اتعامل مع المشاكل اللي واجهتني في استخدام Tiktok Ads.
أولا مصادر لتعلم Tiktok Ads :
اول ما بدات اتعلم المنصة دي ركزت ع النقط اللي ممكن تساعدني في تحقيق أهداف البزنس اللي شغال عليه زي :
– انواع ال Marketing Objectives الموجودة في المنصة.
– ال Targeting Options.
– ال Minimum Budget.
– ال Bidding Strategies.
– نوع الAutomation اللي موجود في المنصة سواء Targeting او Creatives.
– ال Ad Format وايه افضل أمثلة بترشحها المنصة.
والحقيقة اني ملقتش النقط دي كلها موجودة في مصدر واحد غير في Tiktok Ads Academy وبرده انا جمعتلك اكتر من مصدر ممكن تتعلم من خلاله ولكن اقترح عليك تبدأ ب Tiktok Ads Academy الآول.
ثانيا استراتيجيات جربتها في تيكتوك ادز :
في الجزء ده هكلمك عن تجربتى مع المنصة عشان احقق ٣ اهداف من شغلى عليها :
– زيادة ال Sales Volume.
– تحقيق ال Target CPP
– محاولات الوصول لكواليتي مقبولة من المبيعات اللي بتيجي.
والبداية هنا دايما بتكون من استخدام الـ Testing Strategies علشان اوصل سريعا للمنتج الوينر في المنصة دي مع الأخذ في الاعتبار حاجة مهمة جدا ان مش شرط المنتج يكون وينر معايا في فيسبوك او GDN واطلع عليه في تيكتوك الاقي نفس النتيجة وبالتأكيد اللي بيحسم معايا الموضوع هي التجربة.
بعد لما الاقي المنتج الوينر بتنقل على الهدف اللي بعد كده وهو اني احقق فوليوم سيلز من المنتج ده بالاضافة اني لازم احافظ علي تكلفة الـ CPP اللي لازم اكون محددها قبل ما اشغل اول كامبين على المنصة .
ثالثا : ال Best practises اللي ساعدتني اتعامل مع العقبات اللي واجهتني في استخدام تيكتوك ادز :
فيه اكتر من مشكلة ظهرلتي في استخدام تيكتوك ادز ومن اهمها :
١- الكامبين بيطلع يجيب ٣ كونفرجنز بسعر قليل وبعد كده بينام ومبيسحبش فلوس.
٢- بعد الاسكيلينج كوست الـ CPP بيزيد.
٣- الاعلان بيترفض لكذا سبب من ضمنها اللاندينج بيج و مشاكل المنتج اللي بتشتغل عليه لو بتشتغل على Supplements Products او Medical products.
انا جمعتلك اشهر ٥ مشاكل ممكن تواجهك وانت بتستخدم اعلانات تيكتوك وجنبها الحلول اللي استخدمتها للمشاكل دي علشان تسهل عليك الدنيا وانت شغال.
ودلوقتي انا عملت جايد على جوجل شيت فيه:
– ٥ مصادر تقدر تتعلم منهم ازاي تعمل اعلانات على تيكتوك
– ٨ استراتيجيات تقدر تستخدمهم او تطلع بيهم افكار لتحقيق أهدافك من المنصة +
– ٥ حلول للمشاكل اللي ممكن تواجهك في استخدام اعلانات المنصة .
