فن التسويق مع ملاحظة من الحرب العالميه الثانيه
أثناء الحرب العالمية التانية الحلفاء حبّوا يشوفوا الثقوب اللى الرصاص عملها فى الطيّارات بعد ما رجعت للمقرّ بتاعهم عشان يعرفوا ايه أكتر أماكن بيتضرب فيها رصاص ويحصّنوها كويس بعد كده ، المهم طلعوا بالصورة اللى قدامك دى اللى بتبيّن أماكن ثقوب الرصاص اللى الطيّارة بترجع بيها.
.
وبناءاً على البيانات اللى فى الصورة كانت أول حاجة جت فى تفكيرهم إنهم يعزّزوا المناطق اللى متعلّمة بأحمر دى بما إنها أكتر أماكن مُعرضة للضرر وهتخلّى الطيارة تُقع ، وده تفكير منطقى فعلاً لكن عالم الرياضيات”أبرهام والد” خد باله من حاجة هما مش واخدين بالهم منها وهى إن النقاط الحمرا دى بتمثّل الأضرار اللى لحقت بالطيّارات اللى عادت من الحرب بس ، لكن هما ناسيين الطيارات اللى معرفتش ترجع ووقعت.
.
عشان كده المفروض يجمّدوا الأماكن اللى مفيهاش نقط حمرا لإن هى دى الأماكن اللى هتخلى الطيارة تُقع لو اتضربت فيهم عشان كده باقي الطيّارات معرفتش ترجع ، الظاهرة دى اسمها “survivorship bias” أو إنحياز البقاء ودى مغالطة منطقية واللى معناها ببساطة إننا بنبُص على أشخاص أو حاجات نجت وبنطنّش أو مبناخدش بالنا من الحاجات التانية اللى منجتش وبُناءاً عليه استنتاجنا بيبقى غلط.
