تقدر تنافس بيبسي أو كوكاكولا ؟!
هتقول صعب أكيد علشان القوة التوزيعية والترويجية والشهرة وحاجات كتيير …
بس في حد قدر ينافسهم ويتغلب عليهم كمان !
هتقولي مين ؟!
قبل ما أقولك مين، هقولك إن بيبيسي وكوكاكولا فعلا عندهم قوة كبيرة جدا ولو تنافست معاهم لازم تكون قوة كبيرة جدا جدا وتقدر تتحمل كل العروض والاستراتيجيات
طب ليه أدخل في المطحنة دي ؟!
طب ما أدخل سوق محدش مركز فيه ويبقي سوق خاص بيا لوحدي
هو ده اللي عملته شركة ريدبول !
دخلت السوق بفكرة (المحيط الأزرق) على إنها مشروب “طاقة” مش “غازي” وبكدة هي بعيدة تماما عن المطحنة أو (المحيط الأحمر) اللي فيها تكسير العظام
وفعلا استحوذت على السوق وبعد ما بدأت الشركات تعمل مشروب طاقة زيها كانت هي خلاص استحوذت على حصة سوقية كبيرة وكمان طورت منتجاتها من flavors كتيرة.
