هل حصلت علي المرتبه الأولي في بحث جوجل؟
ليس بالضرورة وجودك في النتيجة رقم 1 بجوجل يعني انك صاحب الحظ الأكبر من الترافيك .
الاحصائيات فى الغالب تشير ان النتيجة رقم 1 بتحصد حوالى 28.5% من النقرات يعني لو الكلمة معدل البحث عليها 1000 شهرياً يعني معدل النقر عليها هيكون 285 نقرة
تفتكر بقى هل ممكن النتيجة رقم 2 تكون هي صاحبة الحظ الأوفر من الترافيك وكمان معدل التحويل ولكن ليه انا بقولك كده ؟
بالاختصار لو موقعك مثلا مستشفى لعلاج الادمان ، وانت تصدرت بكلمة الادمان ، او عقار الكبتاجون ، الكريستال ميث
في الغالب اغلب الزوار مش هيكونوا مهتمين بيك كبيزنس ولكن هيكونوا مهتمين بيك كمعلومة وأغلبهم هيكونوا طلبة بتعمل أبحاث ، لكن نصيبك بقى انهم يكون زوارك وفى النهاية هتلاقي 0 معدل تحويل على الصفحة دي .
وده لانك مدرستش الجمهور بتاعك قبل ما تشتغل ، ومعملتش استبعاد للكلمات من الفئة دي
ولكن لنفترض ان المنافس التاني اختار : الكريستال ميث 7 خطوات للتعافي | مستشفي س
العميل خلاص فهم ان مستشفي وانها بتوضح ، وهيدخل طالما المحتوي بيأهلوا للاتصال هيتصل عليك
علشان كده ليس صاحب النتيجة الاولى هو صاحب الحظ الأوفر وممكن صاحب النتيجة التانية يوصل 35% من الترافيك طالما اختار العنوان الصحيح والمحتوي اللى بيتناسب مع الجمهور اللى بيحققلوا أهداف البيزنس .
