ما تضيعش ميزانية الإعلانات على الفاضي

و سألنا في الآخر: ازاي نقدر نتحكم في معدل تكرار الإعلان عشان الاعلان ما يظهرش بشكل مبالغ فيه لنفس الشخص خلال الحملة.

النهاردة هنجاوب على السؤال بشكل سريع.

عندنا 3 طرق نقدر نتحكم بيها بشكل كامل في معدل تكرار الإعلان Ad Frequency

زي ما هو موضح في الصور :

1- أول طريقة في إعلانات الفيسبوك من ال Ads manager و دي ممكن تعملها في معظم أهداف الحملات زي ال Post Engagement مثلاً .

و انت في ال Adset level > Optimization & delivery

هتعمل Edit من اليمين و تختار daily Unique Reach

كدة انت قولت للفيسبوك إنك عايز إعلانك يوصل للشخص مرة واحدة فقط في اليوم مش أكثر من كدة، و بكدة ضمنت تحكم في معدل التكرار اليومي للإعلان.

طيب ده مش تحكم كامل عايز تحكم أكتر .. ندخل على الطريقة الثانية.

_________________________

2- في إعلانات الفيسبوك من الAds Maanager هنختار Reach Objective

لما تختار الهدف الأساسي للحملة هو الوصول هتلاقي اتفتحلك التحكم الكامل في ال Frequency زي المثال في الصور .

frequency cap /

الحد الأقصى لتكرار الإعلان

1 impression per 7 days

يعني الإعلان هيظهر للشخص الواحد مرة واحدة كل 7 أيام و استحالة يزيد عن كدة، يعني لو الحملة بتاعتك 7 أيام يبقى هتلاقي الFrequency لازم هيطلع 1 مفيش كلام.

و تقدر تغير المدة و عدد مرات الظهور زي ما انتا عايز مش شرط زي المثال

طيب هي المزايا دي مش موجودة غير في اعلانات الفيسبوك … لأ موجودة كمان في اعلانات جوجل و دي الطريقة الثالثة.

__________________________

3-التحكم في تكرار الاعلانات في اعلانات اليوتيوب Google Videos و اعلانات الDisplay .

زي ما هو واضح في الصورة برضه في اعلانات جوجل نقدر نتحكم تحكم كامل في اعلانات الفيديو كمثال و تحدد الحد الأقصى لعدد مرات الظهور في اليوم أو عدد المشاهدات في اليوم.

____________________________

كدة خلصنا ال3 طرق و حابب بس أوضحلك ان الطرق دي زي ما ليها مميزات واضحة ليهم عيوب، وهو إنك هتلاقي التفاعل على الإعلان أقل من العادي بشكل ملحوظ، و لكن هي مهمة و ليها استخداماتها في حالات محددة ممكن نتناقش فيها في التعـــ_ليقات.