✦خمس أدوات تسهل المونتاج لصناع المحتوي
➀ CapCut:
من أكتر التطبيقات السهلة و الإحترافية في مرحلة المونتاج و متوفر عليه Templates كتير مختلفة ، ده غير أنك تقدر تطلع Subtitle و Captions لفيديوهاتك ب Styles جديدة، و تقدر تستخدمه على الموبايل بشكل بسيط و منقذ للوقت.
➁Runway Ml:
موقع تقدر تستخدمه فى مونتاج الفيديو من البداية و فيه مزايا مختلفة زي Remove background أو تغيرها ، فيه أفكار كتير تقدر تغير فى الفيديو بتاعك باستخدام AI بطريقة سهلة ووقت قصير جدا.
➂ Pexels:
موقع فيه كل أنواع الفيديوهات و الصور بجودة عالية بدون كوبي رايت ، تقدر تستخدمها كفواصل بين الفيديوهات أو حتى تبني جزء من محتواك باستخدامها.
➃ Meitu:
تطبيق منفذ لجزء كبير من المونتاج و أنت بتصور من خلال خاصية Detect Silence تقدر تقف ثواني لو غلطت فى التصوير ،والتطبيق يمسح لوحده المقاطع الغلط .
➄ Adobe Podcast:
تقدر تستخدمه في معرفة جودة صوت المايك و تنقية الصوت وتحسين جودته لإن مشكلة الصوت و خاصة الـ Noise ليها تأثير أكتر من 60% أن الفيديو يتم مشاهدته.
