كبسولات تسويقيةهمسات فى الديجيتال ماركتينج
مشكلة نتائج الإعلانات وتكلفة الرسائل
![مشكلة نتائج الإعلانات وتكلفة الرسائل](https://efhmtaswek.com/wp-content/uploads/2023/06/اعلانات-فيس-بوك-1-780x470.png)
مشكلة نتائج الإعلانات وتكلفة الرسائل
أهدى وركز شوية ….
مشكلة نتائج الإعلانات وتكلفة الرسائل وأختراق الحسابات مش سببها خوارزميات الفيس ولا في واحد قاعد بيلعب في الفيشة…
والدليل ان في الوقت اللي ناس بتصرخ من المشاكل دي في ناس تانية شغلها ماشي زي الفل – وعشان الكلام يكون منصف وفي إطار عملي بعيد عن التنظير – انا من الناس اللي تم اختراق حسابات الإعلانات عندي وانسرق واتجمد ليا أكتر من ٦٠ ألف جنيه في لحظه…. ![😔](https://static.xx.fbcdn.net/images/emoji.php/v9/t71/1/16/1f614.png)
![😔](https://static.xx.fbcdn.net/images/emoji.php/v9/t71/1/16/1f614.png)
وبدون مكابرة ولا شغل دراما دورت على مصادر المشكلة والحلول في أسرع وقت وهي بإختصار كالآتي….
١- نتائج الإعلانات الضعيفة.
والأسباب…. هي الميزانيات الضعيفة والعمل بدون خبرة أو تخطيط ومتابعة لتحديثات منصات الـ Social media عموما والفيس بوجه خاص.
٢- تكلفة الرسائل العالية.
الأسباب…. سؤ الإستهداف من حيث نوعية الجمهور والطرق المستخدمة للوصول له مع عدم التأني في التنفيذ بحكم التعود لدي المحترفين للآسف الشديد.
٣- أختراق الحسابات الإعلانية.
الأسباب…. عدم تأمين الحسابات بالموافقة الثنائية وقبول دعوات من صفحات فييك وفتح الروابط المشبوهة.
٤- تفاعل ورسائل كتيييير ومـفـيـش مبيعات حقيقية والأسباب….
هي اتباع البعض سياسة لم علينا عبيدك يا رب وبتنين ونص وتعالا بص ودي انك تعمل إعلان ممول علي شكل فزورة أو لغز تقول معجزات المنتج أو إنبهارات الخدمة بدون اي تفاصيل والرد خااااص ![🙄](https://static.xx.fbcdn.net/images/emoji.php/v9/t4e/1/16/1f644.png)
![🙄](https://static.xx.fbcdn.net/images/emoji.php/v9/t4e/1/16/1f644.png)
٥- العميل بيسأل ومش بيرد….
ببساطة لأننا ع الـ Social media بمجرد التفاعل بلايك أو كومنت أو رسالة علي اي إعلان بتظهر لنا صفحات المنافسين واعلاناتهم والصفحات المتشابهة فطبيعي ان العميل يطير يعمل جولات عند منافسينك.
![🔰](https://static.xx.fbcdn.net/images/emoji.php/v9/t6a/1/16/1f530.png)
— الميزانية… تكون محترمة ومنافسة للمزايدات الإعلانية علي منصات التواصل وأنسى أبو بلاش وشغل الإنجاز العظيم بأقل تكلفة لان لغة الـ Social media في الإعلانات رافعة شعار شخلل عشان تعدي….. ![😉](https://static.xx.fbcdn.net/images/emoji.php/v9/t57/1/16/1f609.png)
![😉](https://static.xx.fbcdn.net/images/emoji.php/v9/t57/1/16/1f609.png)
— التأني…. في تنفيذ اي كامبين من حيث استهداف الجمهور وتفاصيل الإعلان من الجوانب التقنية حتي لو نجح معاك 100000 مرة قبل كده ده بعد مراعاة الميزانية المناسبة طبعا…. ![👌](https://static.xx.fbcdn.net/images/emoji.php/v9/t7b/1/16/1f44c.png)
![👌](https://static.xx.fbcdn.net/images/emoji.php/v9/t7b/1/16/1f44c.png)
— إتعلم…. كل ما هو جديد عن المنصات اللي بتشتغل عليها من سياسات بتتغير وادوات بيتم استحداثها أو اخري بيتم إلغائها ومعلش تعالا علي نفسك وتابع أصل يموت المعلم وهو لسه بيتعلم…. ![😊](https://static.xx.fbcdn.net/images/emoji.php/v9/t7f/1/16/1f60a.png)
![😊](https://static.xx.fbcdn.net/images/emoji.php/v9/t7f/1/16/1f60a.png)