fbpx
إعلانات فيسوك

اتعلم ازاي تبيع علي فيسبوك

Mr farouk

اتعلم ازاي تبيع علي فيسبوك

من فترة مش بعيدة كنت تقدر تعمل مبيعات كويسة جدا على الفيسبوك

هقولك الطريقة ولو ميزانيتك مقوية قلبك استعملها

أول حاجة يكون معاك منتج محترم (جودة وسعر) وخلى باااالك نقطة مهمة جداااا

جودة وسعععر

ـــــــــــــــــــــــــــــــــــــــــــــــــــــــ

خش بقا على الاونلاين بس فيه حتة صغيرة بس ناقصة (اتاكد ان لما يتطلب منك اوردر هتعرف توصله في اسرع وقت)

اعمل بقا الخطوات دى وانا اؤكدلك ان هتبيع وهتكسب:

1- اعمل بيدج على الفيسبوك

2- اكونت انستجرام

3- انشر كل يوم تلات بوستات عن الخدمة او المنتج بتاعك

4- ما تعملش اعلانات مدفوعة اول شهر نهائيا

5- تاني شهر هتبدأ تتفاعل مع السوق شوية انشر بوست اسأل فيه سؤال عن مشكلة منتجك بيحلها

تعالى اقولك ازاى في ابسط المنتجات (الملابس مثلا) اعمل بوست واسال الناس كام مرة جبت تيشيرت ووبر منك

كام مرة جيبت بنطلون جينز خامته وحشة – تعالى نتفاعل اكتر (ونقدم قيمة للعميل؟)

انشر بوست تفاعلى قول للعميل فيه (ايه رأيك تقولنا المناسبة اللى رايحها واحنا نختارلك الاوتفيت)

اقولك حاجة احسن لو هتستهدف طلبة الجامعة ؟

اعمل بوست قول انت في كلية ايه ونقولك اشيك لبس يليق عليك

عاوز فكرة كمان ؟ بتنزل كام يوم في الجامعة عشان نوفرلك عدد اطقم بعدد ايام الكلية ؟ وكمان بخصم 50%

(طبعا مش لازم الافكار كلها تنطبق على مشروعك) انا بعطيك مثال ان اتفه المجالات ممكن نطلع منها بطريقة تحل مشكلة)

ـــــــــــــــــــــــــــــــــــــــــــــــــ

نرجع للخطوات بتاعتنا

6- شوفت البوستات اللى عملناها تفاعلية دي ؟ اعمل واحد او اتنين منهم اعلان مدفوع

مش لازم الاعلان بتاعك يقول للناس يلا تعالوا اشتروا (اتعلم تجيب رجل الزبون)

بدأت الناس تتفاعل معاك وتعمل لايك وكومنت ؟

خش بالتقيل بقا :

7- عرض حلو وانزل بشغل وعروض قوية واعمل اعلان رسايل يستهدف الناس اللى اتفاعلت مع الاعلان اللى فات

واتفرج على المبيعات

ــــــــــــــــــــــــــــــــــــــــــــــــــــــــــــــــــــــــــــــــ

نيجي بقا للمشكلة الأكبر:

وهي ان لما كل الناس بدأت تعمل كدا الفيسبوك بدا يغلي سعر الاعلان

تخيل عندك حيطة الناس بتقول الزقلي عليها الاعلان دا وفجاة لقيت كل الناس جاية تأجر الحيطة

انت هتغلى الايجار عشان تستفيد اكتر

فواحد يقولك انا هدفع اكتر من فلان بس علق ورقتي

والتاني يدفع اكتر وهكذا اهو الفيسبوك كدا

وانت غلبان مش عارف تنافس مع الحيتان دول

ــــــــــــــــــــــــــــــــــــــــــــــــــــ

اصبح البيع من خلال الفيسبوك صعب

تعالى نتكلم في نقطة تبعدك شوية عن المنافسة دي

اعمل لنفسك ويبسايت بيع من خلاله

واشتغل على انك ما تبيعش من خلال الفيسبوك ورسايل الفيس

اشتغل على انك تحول الناس للموقع بتاعك ودى حاجة محدش بيعملها الا قليل

فبالتالى المنافسة مش صعبة

طب ايه الميزة من البيع خلال ويبسايت مش الفيسبوك:

اول حاجة انك هتعرف تاخد بيانات العميل

ودا يخليك تقدر تعمل ماركتنج مجانا عن طريق كامبين اميل مثلا

تاني حاجة تقدر توفر لعميلك كود خصم يستخدمه وبكدا هتبان بشكل احترافي

تالت حاجة هتعرف تتفاعل مع عميلك فهيبقى على اتصال دايم بيك وبمتجرك

ـــــــــــــــــــــــــــــــــــــــــــــــــــ

اتمني تكون استفدت بأي نقطة من النقط اللى اتكلمت فيها ولو بتبيع اونلاين وعاوز مساعدة ممكن تتواصل معايا وهساعد بأفكار مجانية

اتعلم تضيع فلوسك صح فن التسويق

6 أجزاء مهمة تاخد بالك منهم في الـ SEO

ما هو جيست بوست Guest Post ؟

اظهر المزيد

مقالات ذات صلة

زر الذهاب إلى الأعلى
%d مدونون معجبون بهذه: