حملتي بتحقق رسائل كتير وحركة بيع ضعيفه
🔥 الإعلان بيجيب رسايل كتيرة لكن البيع قليل💔, ..إيه الحل؟
👈 كتير مننا – لما بيعمل حملة رسايل على الفيس بوك – بيقع في مشكلة كثرة الرسايل وقلة المشترين يعني معدل التحويل قليل جدا,
ده ممكن يكون ليه أسباب كتير (منها إخفاء تفاصيل مهمة في الإعلان أو سوء صياغة المحتوى نفسه أو افتقاد منتجك لأي مزايا تنافسية)…
وبالتالي لازم ندور على المشكلة ونحلها ,
وجزء من الحل ممكن يكون إني أعلى جودة الاستهداف 🎯 من خلال تغيير نوع الحملة الإعلانية على الفيس بوك من الmessages إلى الـ leads بحيث نحاول نقلل من عدد العملاء الـ pre-qualifiedو نزود الـ qualified💪….وده اللي هنتكلم عنه النهارده👇 .
1- بسبب إنخفاض معدل التحويل conversion rate الفيس بوك في سنة 2015 م نزلوا نوع جديد من الحملات الإعلانية وهو الـ lead generation وهي عبارة عن مجموعة بيانات كأنها application العميل بيملاها وبالتالي يكون عندك معلوماته وطلبه بحيث تتواصل معاه,
يعني مثلا إنت شغال تسويق لوحدات كمبوند معين, فلو عملت الحملة رسايل هلتاقي ناس كتير بتدخل تسأل لكن مافيش جدية خالص, لكن لو عملتها leads فكده إنت بتطلب ن العميل إن يكتب الأول مجموعة بيانات زي اسمه ورقم تليقونه ونوع الوحدة المطلوبة, وأكيد اللي هيكتب البيانات دي هيكون أكثر جدية من اللي بس هيبعت رسالة وخلاص.
2- من أفضل المجالات اللي الـ leads ads بتكون مانسبة ليها : بيع وتأجير العقارات , الكورسات, السيارات , الأجهزة الكهربية والمنزلية…شركة زي مرسيدس بنز استخدمت حملات الLeads في تركيا فزاد عدد العملاء المحتملين بنسبة 48% وزادت المبيعات بنسبة 18% 💰
3- قلل الأسئلة على قدر المستطاع, بلاش يزيد عند 3 أسئلة, كل لما الأسئلة عددها يزيد كل لما معدل إكمال العملاء للـ lead form هيقل وبالتالي التكلفة عليك هتزيد, فلو سمحت اقتصر فقط على المعلومات الأساسية اللي تخليك تقدر تتواصل مع عمليك صح ✔️.
4- استخدم ال lookalike audience مع ال leads ads بحيث توسع الاستهداف علشان توصل لناس مشابهين جدا لعملائك اللي اشتروا أو اهتموا بمنتجك وبكده يبقى إنت حسنت جدا من جودة الاستهداف.
5- استخدم الرسوم التعبيرية (الـ emojis) في إعلانك 👏 , في أحد دراسات الحالة تم المقارنة بين إعلانين متماثلين, الفرق بينهم هو إن الأول كان فيه أشكال تعبيرية بينما التاني كان كلام فقط, الإعلان الأول جاب عملاء محتملين أكتلا بنسبة 2000% عن التاني😲 ..ده بسبب إنه ال emojis زودت معدل الـ CRT .
6- حاول تتواصل مع عملائك سريعا🚅 , لأن التواصل الفوري (خلال 5 دقايق) مع العملاء بيزود إحتمالية الشراء 7 أضعاف .
companies that respond instantly to leads are 7 times more likely to convert them into sales
7- هتلاقي فيه نوعين من الforms الأول: more volume والتاني higher intent , الوضع الإفتراضي هو الاول, التاني ده بيفرق عن الأول في إنه بيظهر للعميل سكرين لمراجعة بياناته وكمان زرار الإتمام بيكون متحرك للجنب (الخطوتين دول هدفهم يصعبوا الموضوع شوية على العميل بحيث مايكملش إلا العميل الجاد فعلا)
8- هيطلب منك في الـ lead form انك تكتب لنك صفحة الويب سايت الخاصة بالـ privacy policy 🌐, فلو مافيش ويب نقدر تكتب لنك الصفحة بتاعتك على الفيس بوك.
9- خلي بالك وإنت بتختار نوع السؤال لازم تختاره صح يعني مثلا لو تاني سؤال هو ” رقمك تليفونك” فاختار ان السؤال عن ال phone number وبالتالي الفيس بوك هيقبل بس الأرقام كإجابة أما لو انت كسلت وخليت نوع السؤال ال” email” بالتالي العميل هيجي يدخل ارقام فالفيس هيرفض وهيعتبر الإجابة غلط😥.
10- خلى أبعاد الصورة المستخدمة 1 :1 وبلاش يزيد النص في الصورة عن 20% 👌, وياريت تستخدم كذا صورة أو فيديو تحت كل ad group وياريت تعمل الإعلان carousel .
💡 أخيرا…خلي بالك إنك متاح ليك تنزل شيت الإكسيل الخاص بنتائج الحملة لمدة 90 يوم بس , بعدها مش هيكون متاح, وبالتالي لازم تحتفظ بنتايج الحملات دي عندك و تصنف العملاء اللي فيها علشان تقدر تستفيد صح من الداتا دي.
نكتفي بهذا القدر …
🌿 شكرا ليك….نتقابل بعد بكره إن شاء الله…ما تنسانيش من دعوة بظهر الغيب… د.ابوالعمايم.
أفضل اقتراحات الارتباط الداخلية.
