80% من الـ Copywriters متعرفش يعني إيه Brand Voice، فهل أنت منهم؟!
؛؛
إيه هو الـ Brand Voice؟
صوت العلامة التجارية هو الأسلوب أو الطريقة اللي البراند بيتكلم بيها مع جمهوره. الصوت ده لازم يكون ثابت في كل الرسائل اللي البراند بيبعتها، سواء كانت على السوشيال ميديا أو الإعلانات أو أي وسيلة تانية. لما البراند يبقى عنده صوت مميز، ده بيساعده إنه يبني علاقة أقوى مع جمهوره.
إيه فايدته؟
فايدة البراند فويس إنه بيخلق تميز وثقة بينك وبين عملائك. لما جمهورك يحس إن البراند بتاعك بيكلمهم بطريقة هما فاهمينها ومرتاحين لها، ده بيخليهم يرتبطوا أكتر بعلامتك التجارية ويفضلوك عن غيرك.
و دول اهم 7 أساليب للبراند فويس.
1. Formal Style
• إيه هو: ده أسلوب رسمي، بيتم استخدامه لما البراند محتاج يكون جاد ومحترف في رسالته.
• مثال: LinkedIn بيستخدم الأسلوب الرسمي لإنه بيستهدف محترفين وأصحاب أعمال.
• الجمهور المثالي: الشركات الكبيرة، المهنيين، وأصحاب الأعمال.
2. Casual Style
• إيه هو: ده أسلوب عفوي وبسيط، وكأن البراند بيتكلم مع جمهوره بالطريقة اللي بيكلموا بيها على القهوة.
• مثال: Coca-Cola بتستخدم أسلوب عفوي كان صاحبك هو اللي بيكلمك.
• الجمهور المثالي: الشباب، الناس اللي بتحب الأسلوب البسيط.
3. Playful Style
• إيه هو: الأسلوب المرح اللي بيخلق شعور بالطاقة والابتكار في التواصل مع الجمهور.
• مثال: Red Bull بيعتمد على الأسلوب المرح في إعلاناته عشان يوصل رسائل مليانة طاقة.
• الجمهور المثالي: الرياضيون او الأشخاص اللي بيحبوا تجربة حاجات جديدة.
4. Direct Style
• إيه هو: أسلوب مباشر بيقدم الرسالة بسرعة ومن غير تعقيد.
• مثال: Amazon بيستخدم الأسلوب المباشر عشان يقدر يبسط العملية الشرائية للعملاء.
• الجمهور المثالي: الناس اللي بتدور على معلومات سريعة ومباشرة من غير تفاصيل كتير.
5. Emotional Style
• إيه هو: الأسلوب اللي بيركز على اللعب بالمشاعر ويربط الجمهور عاطفيًا بالعلامة.
• مثال: شركة Nike بتستخدم الأسلوب ده في إعلاناتها، وتركز على قصص الرياضيين وتحدياتهم.
• الجمهور المثالي: الأشخاص اللي محتاجين إلهام و بيتأثروا بالمحتوى العاطفي.
6. Simple Style
• إيه هو: ده أسلوب بيحاول يبسط المعلومة بأقصى درجة ويوصل الرسالة بسهولة.
• مثال: Apple بتستخدم أسلوب بسيط وسهل في تسويق منتجاتها عشان توصل لكل الفئات.
• الجمهور المثالي: الناس اللي بتدور على منتجات أو رسائل مباشرة وسهلة الفهم.
7. Conservative Style
• إيه هو: الأسلوب المتحفظ اللي بيحافظ على جدية الرسالة من غير انفتاح زائد.
• مثال: شركات التأمين زي Allianz بتعتمد على الأسلوب المتحفظ عشان تحافظ على صورة جادة وموثوقة.
• الجمهور المثالي: الناس اللي بتدور على خدمات موثوقة وثابتة، وبتحب الأساليب الجادة زي كبار رجال الأعمال.
