ليه البرندات الكبيرة بتعمل اعلانات كتير ؟ 2
في الوقت الحالي تقريبًا مفيش شخص مش عارف البرندات الكبيرة زي Coca Cola و Apple و Pepsi
وبالرغم من نجاحهم وشهرة العلامة التجارية الخاصة بيهم إلاّ انهم مستمرين في الحملات الإعلانية ،
وكتير مننا ممكن يسأل ليه بيعملوا اعلانات بالرغم من أنهم أكبر وأشهر برندات في العالم ؟
وفي الحقيقة هما مستمرين في الاعلانات لأنهم معتمدين على مبادئ زي :-
التقديم للجيل الجديد : بمرور الوقت بتظهر أجيال جديدة وكل جيل مختلف عن اللي قبله في الأفكار والآراء وحتى طريق الاقناع ، وعشان كدة بيكون في اعلانات جديدة باستمرار عشان تعرف العملاء الجدد بالعلامة التجارية وتأكد تاريخها ليهم .
إثبات الوجود في السوق : لو كل شركة وقفت اعلانات واعتمدت على تاريخها السابق ، ناس كتير ممكن هتتسائل عن الغياب وممكن تفكر ان العلامة التجارية خسرت أو تراجعت .
فكرة الاعلان معتمدة على :-
-اعلام العملاء الجدد بالعلامة التجارية والمنتج او الخدمة المقدمة .
-اقناع العملاء وتشجعيهم على الشراء
.
-تذكير العملاء الحاليين بالعلامة التجارية وعرض المنتجات الجديدة
اثبات الوجود المنافسين ، لأن المنتجات الاستهلاكية سريعة الدوران فـ غياب أي منتج عن السوق أو تراجعه هيشجع العملاء انهم يتجهوا لمنتج المنافس ، لكن الاعلان هيأكد على وجود المنتج في السوق وهيزود ثقة العملاء في العلامة التجارية وبكدة مش هيكون في تراجع في المبيعات او خسارة عملاء .
