ازاي تحوَّل نفسك لميديا باير ؟
بعد تحليل لأكتر من ٢٨ كورس اجنبي وعربي للمستوى المبتدئ بيتكلم عن الميديا باينج
وصلت لل Roadmap اللي اعتقد اني قدرت اجمع فيها كل الجوانب الخاصة بالبداية في الميديا باينج من خلال تحليلي للكورسات + تجاربي الشخصية في تطوير مهاراتي في الميديا باينج من البداية.
فلو مهتم انك تتعلم الميديا باينج كمل المحتوى ده لحد الاخر علشان احتمال كبير يسهل عليك طريق البداية.
🛑 ال Roadmap مقسم ل خمس مراحل :
– مقدمة عن الميديا باينج
– اساسيات الميديا باينج
– الميديا بلانينج
– الميديا باينج بروسيس
– ازاي تطبق عملي
🛑 اول مرحلة هي مقدمة عن الميديا باينج :
الهدف من المرحلة دي انك تجاوب على سؤال هل شغلة الميديا باينج مناسبة ليك ولا لأ ؟ وعلشان تجاوب علي السؤال ده يفضل انك تعرف معلومات عن النقط دي :
١- الصورة الكبيرة للميديا باينج ايكو سيستم.
٢- مهارات الميديا باير الأساسية ومسؤولياته اليومية
٣- السلم الوظيفي & متوسط المرتبات & إيجابيات وسلبيات شغلة الميديا باير
٤- ايه فرص الشغل اللي ممكن تتفتح ليك من خلال شغله الميديا باير.
٥- المهام اليومية اللي بيقوم بيها الميديا باير
🛑 المرحلة الثانية – أساسيات الميديا باينج :
المرحلة دي الهدف منها انك تعرف بشكل مبسط المبادئ الضرورية اللي هتساعدك في بداية الحملات الاعلانية
١- الإطار العام لقياس التسويق Measurement Marketing Framework
٢- قمع التسويق – Marketing Funnel.
٣- رحلة العميل -Customer Journey.
٤- كتابة نسخ الاعلان – Copywriting.
٥- اختبار التقسيم – A/B Testing
🛑 المرحلة الثالثة – ازاى تخطط للكامبين باستخدام الميديا بلانينج:
المرحلة دي هي مرحلة التخطيط و بداية الشغل اللى هيتنفذ في الحملات الإعلانية على المنصات
١- مراجعة هدف البزنس من الكامبين.
٢- تجهيز عناصر الإعلان (“منتج او خدمه” & الأوفر & فانل ).
٣- تحديد أنواع العميل المستهدف.
٤- تجهيز الاد كوبي & الاد كريتيفز & تنسيق اللاندينج بيج.
٥- التخطيط لاستراتيجيات الكامبين.
٦ – انتاج الميديا بلان
🛑 المرحلة الرابعة :
هي مرحلة تنفيذ الحملة الإعلانية اللي خططت ليها المرحلة اللي فاتت والحملات الإعلانية علشان تعملها لازم تكون متقن للادوات اللي بتشتغل عليها واللي من ضمنها:
أدوات القياس وتحسين معدل التحويل : جوجل تاج مانجر | جوجل اناليتكس 4 | جوجل شيت |- جوجل اوبتميز
– منصات الديجيتال ميديا باينج واللي منها :
– إعلانات سوشيال بلاتفورمز ( فيسبوك & سناب & تيكتوك )
إعلانات جوجل ( سيرش &
ديسبلاي & فيديو & تطبيقات)
– اعلانات البروجراماتيك، النيتيف ادز، ال بي بي في | اعلانات امازون
– أدوات عرض البيانات : جوجل شيت | جوجل داتا ستوديو
🛑 المرحلة الخامسة ازاي تطبق عملي :
١- تشوف فرصه تدريب في ايجنسي او شركة
٢- تشتغل كميديا باير مبتدئ في ايجنسي او شركة
٣- تشوف حد سنيور تشتغل معاه فريلانسينج
٤- تشتغل على اكونت فريلانسر لوحدك لحد قريب منك
٥- تشتغل دروبشيبينج مع المنصات اللي بتقدم الخدمة دي
✅ كده انا اعتبر خلصت المراحل اتمنى ان يكون فيه استفادة من المحتوى ده
