ازاي تخلي الناس تشتري منتجك ؟
طبعًا انت كـ صاحب مشروع معين هدفك الأساسي انك تجذب العملاء وتشجعهم انهم يشتروا منتجك عشان تزود المبيعات وتحقق أرباح
وعشان تقدر تعمل ده وتكون متميز في السوق وتزود مبيعات منتجك لازم تركز على :-
التسويق والاعلانات لأن التسويق اللي بيتم بطريقة صحيحة وذكية هو يعتبر حلقة الوصل بينك وبين عملائك ، لأن من خلاله تقدر توصل للعملاء الحاليين وتجذب عملاء جدد وتعرفهم على المنتج اللي بتقدمه وعلى العلامة التجارية .
تطور علاقاتك العامة مع معظم الفئات الموجودة في المجتمع ، لأنها من أهم الأساليب اللي هتجذب عملاء وهتشجعهم على شراء المنتج من خلال الثقة المتبادلة ، وده هيتم من خلال التعامل الراقي مع أي شخص بيتواصل معاك ومن خلال بناء علاقة قوية مع المتابعين .
مهم انك توفر وسيلة سهلة وبسيطة للدفع عن شراء المنتج وتكون اجراءات بسيطة ومش معقدة ، وتحاول تتجنب من أي مشاكل ممكن تحصل في عملية الدفع وتكون بطرق احترافية ومواكبة للتكنولوجيا .
يكون في عروض وخصومات باستمرار ، واستخدام استراتيجية التسعير النفسي لأنه بيشجع العملاء على الشراء وده المطلوب .
ان يكون المنتج متميز بميزة تنافسية مش عند حد من المنافسين زي الجودة العالية أو السعر المناسب أو منفعة معينة يحتاجها فئة من العملاء ، ده هيخلي المنتج مميز ومختلف في السوق وبالتالي هتزيد المبيعات .
مهم انك تركز على التسويق قبل البيع مش العكس ! لأن من خلال دراسات السوق والعملاء هتعرف احتياجات ومتطلبات العملاء وبالتالي هتنفذها بالشكل اللي المطلوب وبكدة منتجك هيقوم منفعة وهتزيد مبيعاتك .
