حاااااسب الشركه اللي متعملكش براندينج ويبقوا فاهمين ازاي تقلب الهرم متتسماش شركه تسويق 
مبدأيا انا مش جي اعرض خدمة ولا اعمل تسويق و اعلانات لحد ولا اعمل كورس اللي مهتم ياخد معلومه يكمل …
– طيب وايه علاقة الصورة والهرم بالتسويق والاعلانات والبراندينج ؟؟
دي ببساطه شديدة ال sales funnels اللي واجع دماغكم بيها 
بالبلدي كده مراحل اي عميل بيعدي عليها
١- عميل محتمل :
اللي هو الشريحه المناسبه للمنتج او الخدمه اللي بتقدمها والمرحله دي بنطلع منها بكذي نقطه ..
ا/ تحليل ال SWOT ( هنتكلم بالتفصيل في بوست لواحده )
+دراسة اول ٣ اساسيات في التسويق اللي هما المنتج والسعر والمكان
بس باختصار كده بنعرف انت بتقدم ايه و لمين وازاي علشان نعرف اذا كان مناسب ولا لا وبنطلع منها بكذا إستراتيجية لخطه التشغيل سواء للاداره او التطوير او التسويق او اي قسم عموما في البيزنس ككل
ب/ مرئيات البراند
بحيث واحنا ينقدم المنتج او الخدمه العميل المحتمل ياخد انطباع يناسية ويساعدة علي قرار الشرا
سواء لوجو بقي او تصميمات البراند والوانه
ج/ صوت البراند
يعني هتكلم عميلك ازاي ؟ وايه اللي يناسبه سواء بقي في المحتوي اللي بتقدمه او طريقه تعامل خدمه العملاء او السيلز
يعني مثال علي الكلام الطويل ده
مينفعش اكون بقدم منتج او خدمه لعميل عالي واعرض شغلي او اكلمه بشكل شعبي
وبرضو مينفعش اكون بقدم حاجه شعبيه واتكلم فورمال او استخدم مرئيات عاليه ساعتها العميل الشعبي يخاف يتعامل معايا
٢- عميل عرفني :
العميل المحتمل اتحول لتاني فانيل وبقي عارف البراند بتاعي و دي مرحله ال promotion او الاعلان باي طريقه سواء اوفلاين بكل الطرق او اونلاين باي طريقه
ولغايه هنا بقي يعتبروا مربط الفرس لنجاح الاعلان واللي انا بسميه فلتر filter بحيث نقدر في اعلاناتنا او اي وسيله دعائيه بقدر الامكان مدخلش الفانيل بتاعتي عميل مش بتاعي
بمعني ايه برضو ؟
بأختصار كده مش عايز اضيع وقت ومجهود التيم بتاعي مع عميل مش مناسب اساسا
‐————‐‐——————–
ازاي توصل لعميل عنده ولاء للبراند بتاعك وتقدر انك تحافظ عليه ويفضل اسم براندك مربوط بالمنتج محفورين في دماغه دي بقي في ال٣ فانيل اللي متبقيين وهشرحهم بالتفصيل في بوست جديد …
دعواتكم 
