الجزء التانى: تحويل الخصائص الى فوائد
تانى اكبر غلطة بشوف مسوقين الخدمات بيعملوها هى عدم توضيح الفوائد من الخدمات اللى بيقدموها
واغلب الشركات بتبذل وقت و مجهود على شرح الخصائص بدل من تسليط الضوء على الفائدة من الخدمة
عشان كدة لازم نعرف:
الفرق بين الخصائص والفوائد
👉 الخصائص: الحاجات اللى الخدمة بتحققها او بتنفذها
👉 الفوائد: ازاى العميل هيستفيد منها وازاى هتأثر عليه
👉 الخصائص: بتركز عن الخدمة وازاى بتحل مشكلة معينة
👉 الفوائد: بتركز على العميل و التغير فى حياته بعد استخدام الخدمة
👉 الخصائص: بتركز على المنتج او الخدمة
👉 الفوائد: بتركز على العميل او المشترى
أمثلة لتحويل الخصائص الى الفوائد
👉 الخصائص: شحن منتج لحد باب البيت
👉 الفوائد: هنوفر عليك الوقت و المجهود و هنجيبلك المنتج لحد عندك
👉 الخصائص: تقديم استشارات تغذية مخصصة
👉 الفوائد: بنساعدك في تحسين صحتك وتقليل مخاطر الأمراض المزمنة من خلال نظام تغذية صحي ومتوازن
لكن هل خصائص الخدمة غير مهمة ولازم اركز على الفوائد؟؟
الأجابة هى لاء
خصائص الخدمة مهمة و لازم نذكرها
الهدف هنا اننا نتعلم تحويل الخصائص الى فوائد
📍 بعد ما تتعلم تحويل الخصائص الى فوائد فى جدول زى اللى فات ده
📍 لازم تدمج بين الاتنين بحيث تركز على ما يهم العميل, وتديله سبب منطقى لوجود الفوائد دى فى خدماتك
افتكر دايما
👉 اعمل جدول تحول فيه خصائص خدماتك لفوائد مهمة للعميل
👉 ادمج فوائد الخدمات مع خصائصها عشان تطلع محتوى يجذب العميل المهتم
