الجزء التالت:
عمل مسار تسويقى لتحويل العملاء
📍 المسار التسويقى مهم جدا لتحويل الجمهور من عملاء مهتمين بخدماتك لعملاء حقيقين يتعاقدوا معاك
📍 بناء المسار التسويقي هو رسم رحلة العميل من اول نقطة تعرف لخدماتك او شركتك لحد ما يتعاقد معاك على الخدمة
لبناء مسار تسويقى هتتبع الخطوات دى:
جذب الجمهور – صفحة الهبوط – تزيز المصداقية – نموذج التأهيل – تحديد ميتنج او مكالمة – اتمام الصفقة و التعاقد
الخطوة الاولى
جذب الجمهور – Traffic
اى نوع تسويق لازم بيبداء بجذب الجمهور المهتم, ده ممكن يتم بطرق كتير زى:
👉 بوستات السوشيال ميديا
👉 اعلانات
👉 المدونات
👉 فيديوهات اليوتيوب
فيه طرق تانية كتير اتكلمنا عنها فى بوستات سابقة
الخطوة التانية
تحويل الجمهور لصفحة هبوط
تحويل الجمهور لصفحة هبوط وتجميع بيناتهم, عشان تعمل كده لازم تقدملهم عرض يحفزهم, زى:
👉 كورس مجانى
👉 عرض لفترة زمنية
👉 استبيانات و احصائيات
👉 انفوجرافيك و معلومات
👉 ادوات مجانية تسهل مهمتهم
الخطوة التالتة
تعزيز المصداقية
تقدر تحقق ده عن طريق تعليم جمهورك حاجة مفيدة تساعدهم على حل مشكلة معينة, فيه طرق كتير ممكن تستخدمها زى:
👉 فيديو بشرح عملى
👉 سلسلة خطوات مجانية
👉 دليل شامل لحل مشكلة معينة
📌 هنا لازم تقدم حل متقدم للعملاء المهتمين من خلال لينك تعرض منه خدماتك
الخطوة الرابعة
نموذج التأهيل – Form
بتتم بعد ما العميل يضغط على اللينك و يتحول لصفحة تانية فيها نموذج أسئلة مطلوب من العميل يملاها
الاسئلة دى بتبقى مبنية لتحديد نوع العملاء اللى انتا بتفضل تقدملهم خدمتك
امثلة للأسئلة فى النموذج
👉 الاسم
👉 رقم الموبايل
👉 الايميل
👉 اسم الشركة
👉 المجال
👉 عدد الموظفين
👉 عمر الشركة
👉 عرفت عن شركتنا منين؟
👉 جربت (خدمة معينة) قبل كدة
👉 البادجيت المتاح للحصول على (خدمة معينة)
الخطوة الخامسة
تحديد ميعاد او ميتنج
بعد ما العميل بقى مؤهل للحصول على خدمتك, هتحوله على لينك لحجز ميعاد او ميتنج او مكالمة عن Calendar Booking
👉 بالنسبالك: العميل تخطى كل الاختبارت و بقى مؤهل للحصول على خدمتك
👉 للعميل: هيبقى جاهز بمعلومات اكتر عن نوع الخدمة وشكلها, و كمان استفسارت بتدور حول طرق الدفع و الحصول على الخدمة
الخطوة السادسة
اتمام الصفقة و التعاقد
وهنا هيجى دور مكالمة المبيعات
👉 لو انتا شخص مبتحبش مكالمات المبيعات زى حلاتى كدة
فصدقنى المسار ده هيبقى مفيد ليك جدا لانه بيسهل على العميل معرفة تفاصيل كتير و بتخليه متأكد انه عاوز الخدمة
و مش هيبقى مطلوب منك انك تضغط عليه عشان يشترى او تستخدم الطرق البيعية عشان تقنعه
📍 هو جايلك جاهز و مقتنع.
افتكر دايما
الفايدة الحقيقة لبناء مسار تسويقي هو انك بترسم رحلة العميل من اول نقطة تعرف لخدماتك او شركتك لحد ما تتم الصفقة و يتعاقد معاك على الخدمة
