خطة العمل الخاصة بمشروع حضرتك

بسم الله، توكلنا على الله – شركة ناشئة جديدة ومشروع جديد يرى النور على يد مجموعة من رواد الأعمال والشركاء المؤسسين

تلاقي اللى بيقول لازم نعمل دراسة جدوى – Fesability Study – عشان نعرف التكاليف ونحدد الأرباح

وتلاقي اللى بيقول نعمل العرض الاستثماري – Pitch Deck – عشان نبقى جاهزين لجولات الاستثمار وجلب التمويل

وتلاقي اللى بيقول نعمل نموذج مخطط العمل – Canvas Model – عشان نبقى فاهمين اهم 9 محاور في مشروعنا

وتلاقي اللى بيقول نعمل ميزانية المشروع المالية – Startup Budget – وإن دي اهم حاجة لأن المال هو محور التجارة

ومع تأكيدي على أهمية كل نقطة من المذكورة بالأعلى ولكن تبقى خطة العمل – Business Plan – هى الأهم من وجهة نظري للمشاريع الناشئة والشركات الريادية الناشئة والشركاء المؤسسون وذلك لعدة اسباب!

1- خطة العمل لا تحتاج الى خبرات متخصصة في مجال محدد، يمكن لأى شخص العمل على اعداد خطة العمل وتنقيح المعلومات ومراجعتها والوصول الى نسخة أفضل مما يكون.

2- خطة العمل بتتضمن (العرض الاستثماري – Pitch Deck) وبتتضمن (دراسة الجدوى – Fesability Study) وبتتضمن (نموذج العمل – Canvas Model) وبتتضمن (ميزانية المشروع المالية – Startup Budget) وذلك ستجد بها كل شىء ولكن بشكل مبسط

3- خطة العمل يمكن قرائتها بسهولة، فلا تحتاج الى صياغة مختلفة او اسلوب عرض صعب او نصوص لا يمكن فهمها لأى شخص!

4- خطة العمل يمكن ان تتضمن (الخطة التنفيذية – Action Plan) ويمكن الاعتماد عليها كمرجع ومؤشر لأداء المشروع او الشركة وبذلك قياس الاداء من خلال مؤشرات محددة

وهنا يأتي سؤال اخر؟ متى الاحتياج الى كتابة خطة عمل؟

بهدوء شديد جداً ومن وجهة نظري الخاصة وبعد خبرة لأكثر من 15 عام – بأكد ليك يا عزيزي ان خطة العمل لها 4 توقيتات – سيتوجب عليك فيها إعداد خطة العمل!

1- وانت مع نفسك وجاتلك فكرة مشروع لأول مرة! – محتاج خطة عمل

2- وانت وشركائك قررتو البدء في مشروع تجاري – محتاجين خطة عمل

3- بعد اول سنة مالية – سواء حصل نتائج ايجابية او سلبية للمشروع – محتاج خطة عمل

4- لو المشروع بيفشل ولم يكن لديك ملف ورقي تراجع فيه رؤيتة واستراتيجياتك وخططة – محتاج خطة عمل

5- لو محتاج او داخل على جولة استثمار وتمويل وعايز تبقى فاهم والمستثمرين فاهمين اية مشروعك – محتاج خطة عمل

6- مع بداية كل سنة مالية وانت عايز تتأكد انك على المسار الصحيح – محتاج تنقح خطة عمل السنة الماضية

طيب انا حعمل خطة عمل! اعملها ازاى وفـــ كام صفحة؟ وهل محتاج خبراء معايا يساعدوني ويعملوها؟

الاجابة ببساطة! لاء ثم آه ثم لاء – لو ركزت كدة مع الخبراء والكتب وداخل الشركات حتلاقي حاجات غريبة جداً ومنها مثلاً

// خطة عمل الصفحة الواحدة – وده مفهوم ظهر حديثاً بيقول انك ممكن تلخص مشروعك في صفحة واحدة ويكون خريطة ذهنية لأى حد عايز يفهم مشروعك في اقل من 3 دقائق

// خطة العمل المصغرة – وهى اختصار غير مخل لخطة العمل الاصلية في 10 صفحات او اقل بيركز على العناصر الاساسية للمشروع مثل – المنتج ثم التسويق – ثم الماليات – وشكراً

// خطة العمل بغرض العرض امام الجميع – ودي نسخة باوربوينت – بتكون اشبه بالعروض التقديمية وبيتم إنشائها على الباور بوينت عشان تتعرض امام مستثمرين او جهات حكومية وبرده بتكون نسخة مصغرة في أقل من 20 شريحة على الاكثر

// خطة العمل بالشكل الطبيعي ودي اللى بنشتغل عليها تقريباً لمدة شهر على حد أقل وتصل الى شهرين على حد أكثر وفي الغالب بتوصل عدد الصفحات مابين 85 الى 149 صفحة وورد

هنا يأتي السؤال! ماهى محتويات ملف خطة العمل؟

بكل صراحة ستجد أغلب المتعربين والمواقع العربية وحتى خبراء الأعمال العرب يؤكدون على ان خطة العمل يجب ان تحتوى على التالي:

1- كتابة ملخص تنفيذي – عن المشروع والنشاط التجاري

2- كتابة وصف العمل – وتاريخ الشركة والمنتجات والخدمات

3- كتابة تحليل السوق – من وجهة نظر تسويقية

4- كتابة التحليل التنافسي – من وجهة نظر تسويقية

5- كتابة الهيكل التشغيلي – وهو الهيكل القانوني وهيكل المسئوليات والصلاحيات

6- كتابة وصف المنتج او الخدمة – بما يتضمن الخامات والاسعار والمميزات وخطة التسويق والترويج والاعلان والدعاية

7- كتابة الخطة المالية – بما يتضمن رأس المال الحالي والمستقبلي وكيفية انفاقه وعلى ماذا ومتى وكيف

8- كتابة السيرة الذاتية للشركة – وهنا بيكون بيان كامل عن الاهداف والرؤية والمهمة وكل الكلام الجميل

9- كتابة هيكل التشغيل – بيتم فيها استعراض الجانب التنفيذي والتطبيقي والتخطيطي على حد سواء لكل إدارة التشغيل من المشتريات والموردين والمبيعات والتسويق والمخازن والموارد البشرية والادارة المالية والادارة القانونية

وهناك من يقتصر شرحة لخطة العمل على 5 نقاط فقط مما هو مذكور اعلاه ومنهم من يقول لاء وآه – بس في الحقيقة خطة العمل ممكن تتضمن اشياء لا حصر لها ويمكن اضافة امور كثيرة مثل

10- كتابة التحليلات – مثل تحليل المنافسة وتحليل مصفوفة المميزات وتحليل جدول المهام

11- كتابة الخطة الادارية – بما يتضمن مهام العمل الاداري داخل الشركة وكيفية إدارة الموظفين ومراحل الإدارة

12- كتابة الطلبات المالية المتوقعة – بما يشمل تحديد مبلغ مالي سيحتاجة مشروعك بعد عام! ولماذا وكيف سيتم انفاقه

13- كتابة هيكل التوظيف والعاملين – بما يتضمن عمليات التوظيف ورسم مخطط لكل إدارة وعدد موظفين والمؤهلات والخبرات

راجع مثلاً بعض من الكتب الموجودة هنا https://bit.ly/3T6MuKE

1- The Complete Book of Business Plans

2- Creating a Business Plan For Dummies

3- Business Plan Checklist: Plan your way to business success

4- How to Write a Business Plan

5- Creating Business Plans

6- Write Your Business Plan: Get Your Plan in Place and Your Business off the Ground

7- Business Plans Kit For Dummies

8- The Right-Brain Business Plan: A Creative, Visual Map for Success

9- How to Make a Business Plan That Works

ستكتشف بعد الاطلاع على تلك الكتب والمراجع ان خطة العمل اكبر بكثير من ان يتم الاتفاق على محتواها وما هو مذكور بها – وانها مرجعية لأى شركة ورؤساء تنفيذيون وموظفون ومستثمرون وعملاء – وانها تعتبر روح اى مشروع في حياته

وعشان تتفهم وتشرب فكرة خطة العمل بشكل عملي – حشارك معاك نماذج وتطبيقات عملية لخطط عمل تفيدك جداً

// خطة عمل لشركة متخصصة في الاستشارات المحاسبية وخدمات الضرائب https://bit.ly/3R0veVs

الشركة اسمها MG Assosiate

وخطة العمل تشمل كل ما ذكرناه بالاعلى في 34 صفحة

// خطة عمل لشركة متخصصة في اصلاح الاجهزة الالكترونية في المنازل https://bit.ly/3QD5NK3

الشركة اسمها The Golden Electronic Technican

وخطة العمل تشمل اسقاط على غالبية ما ذكرناه بالاعلى في 19 صفحة

وعشان تفهم ازاى بيتم تصميم وكتابة واعداد خطة العمل – وفرت ليك كمان نموذج كامل لإعداد خطط العمل للمزارع والمشاريع الزراعية بمختلف انواعها واقسامها

Building a Sustainable Business_ A Guide to Developing a Business Plan for Farms and Rural Businesses

للإطلاع والتحميل https://bit.ly/3CkAtv5

وهنا ستجد نموذج عمل في قطاع العقارات والتطوير العقاري والتسويق العقاري – خطة عمل شاملة ومستفيضة في الشرح

MY MILLIONAIRE REAL ESTATE AGENT BUSINESS PLAN

للإطلاع والتحميل https://bit.ly/3QGHbzW

وعشان انا شايفك وحاسس بيك وعارف انك دلوقتي بتسأل نفسك! وبتدور على نموذج جاهز لخطة العمل – ستجد هنا في هذا الرابط نماذج متعددة لخطط العمل

– نموذج في ملف وورد باللغة العربية

– نموذج في ملف اكسل باللغة العربية

– نماذج جاهزة باللغة الانجليزية

للإطلاع والتحميل https://bit.ly/3dFK8lQ

لو حبيت تحصل على دورة مجانية في كيفية إعداد خطة العمل – مجاناً – يمكنك الانضمام حالياً لتلك الدورات المجانية – لفترة محدودة – اشترك الان https://bit.ly/3CkRYeR

ستجد أكثر من 3780 دورة تدريبية متاحة مجاناً على موقع Udemy – اشترك في اغلبهم واحفظهم في حسابك للإطلاع لاحقاً