6 حاجات مهمـة لاقناع العميل 👌
➖➖➖➖➖➖➖➖➖
انهارده هنتكلم معاكم عن أهم 6 خطوات مهمة لإقناع العميل من كتاب “Influence” للبروفيسور “روبرت شالديني”، أستاذ التسويق وعلم النفس.
إزاي تقنع عميل إنه يشتري “كوتشي رياضي”🤔
➖➖➖➖➖➖➖➖➖➖➖➖
1- الندرة:
“متبقي آخر قطعتين من الكوتشي الرياضي، اطلب دلوقتي قبل نفاذ الكمية!”
” النهارده بس، تقدر تشتري الكوتشي بخصم 30%”
تلقائيـاً، البشر أول ما يحسوا إن الحاجة المتاحة قليلة (نادرة)، بيحتاجوا منها أكتر!
2- الارتياح:
رجل المبيعات المبتسم يخلق احساس بالارتياح لدى العميل.. نشترى من اشخاص نرتاح لهم
والارتياح يأتي من التشابه او المجاملة أو المساعدة
3- الإجماع:
“حضرتك تقدر تدخل على لينك صفحتنا على الفيس، هتلاقي كل الكومنتات بتقول إن الكوتشي جودته عالية وخفيف في الرجل”
العميل المتردد بيكون محتاج اقناع أكبر، فبالتالي إثباتك إن عدد كبير من العملاء اشترى الكوتشي وعجبه، بيزوّد من ثقته فيك.
4- الاتساق:
لو الشركة نجحت تخلى العميل ياخد خطوة صغيرة في اتجاه الشرا.. فده هيكون طريق لاقناعه.. لاننا بنتسق مع سلوكنا السابق
مثلا ابعت رقم الواتس اب لتحصل على الخصم
العميل اللي هيبعت وياخد الخطوة دي اسهل يقتنع ويشتري
5- الخبـرة:
ممكن حد من الشركة يقدم زميله للعميل.. “فلان عنده خبرة في الموضوع اكتر من 10 سنين، واكتر واحد هيقدر يفيدك”
كل ما كانت خبرتك عالية في المجال، بتقدر تكسب ثقة عميلك وتقنعه بكل سهولة.
6- المعاملة بالمثل:
“شراب رياضي، هدية مننا لحضرتك تفتكرنا بيها دايماً”
احترام العميل وكسب وده ، بينعكس إيجابياً على سمعة المحل، وبيحاول يرد الجميل دا بإقناع صحابه إنهم يشتروا الكوتشي من عندك.
