الخوارزمية ( Bear ) هي اللي هتوصلك لجمهور يعمل الهدف

الخوارزمية ( Bear ) هي اللي هتوصلك لجمهور يعمل الهدف اللي انت محدده بالظبط بعيدا عن استهدافك للقدرة الشرائية عن طريق استهداف المناطق بتاعة الأغنياء أو متابعين البراندات الغالية ( السر مش المناطق أو الإهتمامات أو السلوكيات )

نبسط الموضوع أكتر أنا قدرت أحدد الفئة المستهدفة بتاعتي بشكل كويس في استهدافي ورغم كده مافيش تفاعل وسعر التفاعل غالي العيب مش في الإستهداف العيب هيكون في الميزانية اللي حضرتك حطيتها قصاد حجم الجمهور المستهدف ..

عشان كده فيسبوك بيظهر إعلانك لجمهور مستوى التفاعل بتاعه هو الأقل في المستوى مستويات تفاعل الجمهور ممكن نقسمها (A-B-C-D) المستوىA هو الأعلى تفاعلا والمستوىD هو الأقل ..

حتى لو أنا مستهدف جمهور class A وقدرته الشرائية عالية .. فمش كل الجمهور ده مستويات التفاعل بتاعتها واحدة .. الفيس بيقسمهم .. وبيحدد الإعلانات اللي تظهر لكل مستوى من الجمهور اللي حددته بناء على مزاد .

. والمزاد معتمد على الميزانية قصاد حجم الجمهور ..لازم أعرف إن أنا مش هقدر أنقل ظهور إعلاني من مستوىD لمستوىC وهو مستوى تفاعل أعلى إلا لما الميزانية اللي أنا محددها لازم تديني معدل ظهور يومي ما يقلش عن 1% من حجم الجمهور المستهدف يعني مثلا أنا مستهدف التجمع الخامس .. فحجم الجمهور مثلا 200K .

. لازم الميزانية توصلني يوميا على الأقل لـ 2K من الجمهور الشرط ده هيخلي فسبوك يعرض إعلاني على جمهور مستوى تفاعلهم C في التجمع الخامس طب أنا عاوز أوصل للمستوىA هحتاج أزود الميزانية ؟ لا طالما حققت الشرط وإعلانك هيظهر لـ 1% أو اكتر من حجم الجمهور المستهدف فكل ما تزود إعلانك هيظهر أكتر لكن مش لجمهور أفضل في مستوى التفاعل بل لنفس الجمهور اللي مستوى تفاعلهمC طيب بنعمل إيه عشان نوصل لجمهور مستوى تفاعله أفضل ؟ لازم أحصل على CTR أعلى من 2% وكل ما كان أكتر كل ما كان أفضل ..

هو إيه الـ CTR ده ؟ بمنتهي البساطة معدل النقر .. يعني كام واحد تفاعل مع إعلانك مقابل عدد الناس اللي وصلها الإعلان لما الـ CTR يكون عالي > 2% ده بيدي إشارة لفيسبوك إن الإعلان ده مهم والناس حبته فيقوم يظهره لناس معدل تفاعلهم أفضل بنعلي الـ CTR ده إزاي ؟

حط نفسك مكان اللي هيشوف الإعلان ؟ اسأل نفسك إيه اللي يخليني أوقف scroll واضغط على الإعلان واتفاعل معاه ؟ أكيد جودة الإعلان وانه شدني .. جودة الإعلان 50% منها ميديا .. الصور أو الفيديو .. كل ما كانوا أفضل ( وده بيحدده عوامل كتير ) كل ما كان نسبة التفاعل أعلى .. والفيديو أنجح بأضعاف من الصور .. لازم الميديا تكون جذابة جدا وواضحة من حيث الرسالة التسويقية .. غير الميديا أنا عندي العنوان

.. لازم يكون عنوان خطااااااااف .. العنوان بيمثل 30% من جودة وجاذبية الإعلان .. لازم يكون عنوان بيثير الفضول وبيتكلم عن منفعة أو منفعتين مهمين جدا .. المنافع دي في المنتج اللي أنا ببيعه وهي حل مشكلة العميل اللي أنا بستهدفه .. يبقى العنوان يجمع مابين الفضول والمنفعة ولازم أحرك مشاعر العميل .. كدة 80% جسم الإعلان وهو بيكون عبارة عن ( مقدمة – جسم – ملخص ) ..

المقدمة بتكون امتداد للعنوان .. تقريبا هي هي العنوان بس الفرق ان انا كنت في العوان بثير الفضول وبتكلم عن المنافع اللي في المنتج وبحرك مشاعر العميل .. في المقدمة أنا هتكلم عن المشكلة والمعاناة ( بزود أهمية المنتج ) ..جسم الإعلان بقى عبارة عن نقاط .. أكتب كل المنافع وبعد كل منفعة المواصفة اللي بتحقق المنفعة .. الملخص .. وده بيكون عبارة عن كل اللي فات .. نقاط الألم .. المنافع .. المشاعر اللي هتحصل للعميل نتيجة المنافع كل ده كده 10% آخر وأهم 10% في الإعلان من ناحية تحقيق الهدف وهو الدعوة لإتخاذ إجراء .. اشتري دلوقتي ..

ابعت رسالة دلوقتي ..الدعوة لاتخاذ إجراء واحد واضح وايكون دلوقتي .. يكون دلوقتي إزاي ؟ .. ببساطة عرض لا يقاوم ولفترة محدودة أو كمية محدودة لو اشتغلنا على الميديا والإعلان بتاعنا ده هيزودلنا الـ CTR وفيسبوك هيبدأ يظهر الإعلان بتاعنا لناس مستوى التفاعل بتاعهم أعلى وهو المستوىB

.. ودول هيفرقوا كتير بس برضه في مستوى أعلى وهو مستوىA ودول بقى الذهب لانهم هينفذوا الأكشن اللي انتي طالباه وهيشتروا كمان أوصلهم إزاي ؟ لازم أحقق الـ Relevancy وهو مدى ملائمة الإعلان للجمهور .. وده بيكون عبارة عن ما بعد الأكشن .. يعني إيه ؟ لنفترض إن انت عامل اعلان تحويلات للموقع أو حتى رسائل ..

لو العميل دخل الموقع وخرج على طول ما كملش ثواني أو دخل كتب رسالة وماحدش رد عليه فخرج .. ده كده الإعلان فيسبوك هيصنفه إنه مش ملائم للجمهور .. لكن لو الموقع فعلا نجح انه يخلي العميل أطول فترة ممكنة أو العميل لقى رد سريع لما بعت رسالة وكمان حصل تواصل طويل ( المحادثات الطويلة فيسبوك بيعتبر إن العميل اشترى )

يبقى كده إعلانك ملائم للجمهور وفيسبوك هينقله للجمهور صاحب أعلى مستوى تفاعل وأفضل جمهور ممكن توصله على الإطلاق