شكل تقرير السيو اللي الشركة عايزه تشوفه منك
صلى على النبي
سواء كنت شغال مع شركة بتقدم خدمة أو متجر إلكتروني، شكل التقرير اللي الشركات عايزه تشوفه منك بكل بساطة هو:
أنا فين حاليًا؟ هتحرك لإيه؟ وده هيتم إزاي؟
1️⃣ أول حاجة: احنا وصلنا لفين؟
وده بيكون عن طريق:
•Keyword Position:
ودي تقدر تستخدم فيها SEMrush، Ahrefs، أو Seobility، أو تعمله يدوي زي ما تحب. (أنا شرحت قبل كده إزاي تعمل مقارنة يدوية باستخدام Import Data).
2️⃣ حجم الترافيك:
•مقارنة بين الشهر ده والشهر اللي فات.
•حجم التطور اللي حصل (إيجابي أو سلبي).
•كمان حجم التطور على مدار آخر ٣ شهور، وده مهم لأنه بيبني الكيرف بتاعنا رايح بينا على فين.
3️⃣ المحتوى:
•إيه اللي تم تحديثه؟
•إيه النتائج اللي حققها؟
•إيه اللي تم نشره جديد؟
•وصلنا لفين بعد الشغل ده وتأثيره على الترتيب؟
4️⃣ الصفحات اللي تم تحسينها:
•كل صفحة تم تحديثها بالكامل (سواء من المحتوى أو التصميم).
•الصفحات الجديدة اللي تم إنشاؤها.
5️⃣ مشاكل التكنيكال:
•كنا فين؟ وبقينا فين؟
•إيه المشاكل اللي لسه شغالين عليها؟
6️⃣ شغل الأوف بيج (Off-Page):
•شيت منظم يوضح كل شغلك على الباكلينكات.
•كل حاجة تكون واضحة من عدد الباكلينكات وجودتها.
7️⃣ الخطوات الجاية:
زي:
•صفحات هيتم تحديثها.
•مقالات هتتنشر.
•شغل على CTR.
•تحسين Conversion.
•مشاكل تكنيكال هتتحل.
•باكلينكات جديدة.
•إشارات اجتماعية (Social Signals).
•خطة كاملة لكل خطوات الموقع.
8️⃣ آخر حاجة: المعوقات:
•زي طلبات طلبتها من العميل (مثال: صور أو معلومات).
•حاجات انطلبت من المبرمج وتأخر فيها (زي تحسينات تقنية أو تعديلات).
•كل ده لازم يتوضح بشكل واقعي وبدون تحميل المسؤولية بالكامل على العميل.
أكيد هتسأل: أعمل الكلام ده في شيت ولا برزنتيشن؟
بص، مش هتفرق، المهم يكون سهل وواضح، لكن الأفضل دمج الاتنين مع بعض لو أمكن.
طيب هل أحط Screenshots من الأدوات ولا أعمل تقارير يدوية؟
•العميل هيطمن أكتر لو شاف التقارير جاية من أدوات معروفة (زي Ahrefs أو Google Analytics).
•لو قدرت ترفق تقرير مباشر من الأداة هيبقى أفضل.
