بما إن النهاردة الجمعة وأجازة تعالوا أقولكم على 6 حاجات ساعدوني في شغلي و حياتي بشكل عام من كتاب “Influence: The Psychology of Persuasion”
لو فيه كتاب ساعدني بشكل ملحوظ في شغلي وطريقة تفكيري ، فهو كتاب “Influence: The Psychology of Persuasion” للكاتب Robert Cialdini. الكتاب بيشرح علم النفس ورا اتخاذ القرارات وبيقدم 6 مبادئ للإقناع ساعدتني أفهم سلوك العملاء بشكل أعمق ودة ساعدني في شغلي كصانع محتوى بشكل كبير ..
الست حاجات دي هما:
1. المعاملة بالمثل (Reciprocity):الناس بتحس بالالتزام إنها ترد الجميل، وده مبدأ مهم جدًا في التسويق، ممكن تستغله بعروض بسيطة تخلق عند العملاء رغبة في الشراء.
2. الالتزام والاتساق (Commitment and Consistency):الناس بتميل تكون متسقة مع قراراتها اللي خدوها قبل كده، وده بيخليهم يستمروا في اختيار منتجك لو حاسوا إنه متسق مع قناعاتهم.
3. الإجماع الاجتماعي (Social Proof): ودة من اهم النقاط لإن الجمهور لما بيشوف إن أغلب الناس بيستخدموا منتجك، ده بيزيد من ثقتهم ويشجعهم على اتخاذ نفس القرار.
4. السلطة (Authority):العملاء بيثقوا في الخبراء، وده بيخلي اعتمادك على influencers و UGC أو آراء الجمهور يزيد من مصداقيتك.
5. الإعجاب (Liking):الناس بتنجذب للأشخاص اللي بيحبوا أو بيرتبطوا بيهم عاطفيًا، سواء كان عن طريق قصة العلامة التجارية أو علاقات إيجابية مع العملاء.
6. الندرة (Scarcity):كل ما قل العرض وزادت الندرة، زاد الطلب! المبدأ ده بيخلق حالة من الاستعجال عند العملاء ويحفزهم على الشراء.
الكتاب ده مش مجرد دليل للإقناع، لكنه علم بيساعدك تفهم السلوك البشري بعمق وتبني استراتيجيات تسويقية أقوى.
ودي ترشيحاتي لأربع كتب تانية تستحق القراءة :
1. Contagious: How to Build Word of Mouth in the Digital Age – Jonah Berger: بيشرح إزاي تنتشر الأفكار والمنتجات بشكل فيروسي.
2. Made to Stick: Why Some Ideas Survive and Others Die – Chip Heath & Dan Heath: بيقدم استراتيجيات تخلي الأفكار سهلة التذكر وأكثر تأثيرًا.
3. Building a Story Brand – Donald Miller: بيشرح كيفية بناء علامة تجارية ناجحة من خلال سرد القصص.
4. The 22 Immutable Laws of Marketing –Al Ries & Jack Trout: مجموعة من القوانين الثابتة اللي بتحدد قواعد النجاح في التسويق.
ممكن تشاركوا في الكومنتات الكتب اللي أثرت فحياتكم وشغلكم بشكل كبير …
