التاجات ( الوسوم ) Tags
يعد الووردبريس حاليا أكثر أنظمة إدارة المحتوى شيوعا في العالم، وهي بالفعل منصة رائعة لإنشاء مواقع الويب. إذا كانت لديك مدونتك الخاصة على الووردبريس ولديك بعض الخبرة فى تسير امور المدونة، فستعرف انه يمكنك تسمية المنشورات بفئات وعلامات مختلفة.
وتعتير هذه طرق لفرز المقالات وجدولتها على تصنيفات مختلفة، بحيث يمكن للأشخاص العثور على المزيد من المقالات حول نفس الموضوع بسرعة وكفاءة.
ومع ذلك، فإن هناك أسطورة تقول بأن هناك ذيادة كبيرة و تحسين كبير للسيو عند استخدام الوسوم في الووردبريس. المنطق يقول، إذا قامت بتمييز مقالة بمجموعة كاملة من الكلمات والعبارات، فستتاح للمقالة فرصة أفضل في ترتيب نتائج البحث.
أنا هنا لتبديد هذه الأسطورة تماما. وسوم الووردبريس ليس لها أي تأثير على تحسين محركات البحث أو ترتيب مقال معين.
اقدر اقولك كثير منا مش فاهم أية هو الإستخدام الصح للوسوم أو التاجات وللأسف استخدامها بشكل مبالغ فيه بيأدي إلي مشاكل كبيرة جداً وعدم ثقة جوجل في الموقع اللي بيستخدمها بشكل خاطئ .
مثال :
مقال بعنوان علاج ارتفاع الضغط بالأعشاب ليه تحط فيه تاج إسمه علاج ارتفاع الضغط بالأعشاب !!!
مانت كده خليت عندك صفحتين بيستهدفوا نفس الكلمة وفي الأغلب لو الموقع معمولة أون بيدج كويس صفحة التاج بتكون أسرع في الارشفة لو انت مش لاغيها وده بسبب أن سرعة تصفحها أعلى نظراً لعدم وجود ملفات وسائط ( صور – صوتيات – فيديوهات ) وكذلك عدم وجود محتوى ونوع الفونت بالغالب بيكون واحد او إتنين .
عشان كده هي بتتأرشف بسرعة في الأول وفي المواقع الجديدة جوجل بيميزها عن المقال نفسه ولكن مع دخول الزوار للصفحة دي الجلسة بتبقى قليلة للي فاهم وبيخش علطول المقال وفي اللي بيخرج علطول من الموقع ويخش اللي بعده .
وبالتالي موقعي هيتراجع وده كله بسبب إستخدام خاطئ جداً للتاجات
لذلك : الصح أية في إستخدام التاجات :
هتعامل التاج كأنه قسم فرعي من قسم فرعي يعني مثلا :
مقال بعنوان علاج إرتفاع الضغط بالأعشاب
التاج الأساسية اللي مفترض تتحط هي ( علاج ارتفاع الضغط و ارتفاع الضغط )
في حالة إني معنديش مقال شامل اصلاً بيستهدف كلمة علاج ارتفاع الضغط بكل الطرق او مقال شامل بيتكلم عن ارتفاع الضغط .
وحتى لو عندي وكان التاج كده فاده معناه إن التاج هيكون فيه أكتر من مقال
يبقى الطريقة الصح أية إن التاج عشان يتعمل علي الاقل يكون فيه مقالين فيما اكثر بيتكلموا عن طرق معينة
وهندي مثال تاني مثلا : تحميل برنامج الواتس اب الأزرق
ومقال تاني بإسم تحميل برنامج الواتس اب الذهبي
ومقال تالت بإسم تحميل برنامج الواتساب السوداني
ومقال رابع بإسم تحميل برنامج الواتساب السعودي
يبقى التاج الطبيعي بتاعي يكون ( تحميل الواتساب أو الواتساب أو تحميل برامج الواتساب )
بكده أنا عاملت التاج معاملة القسم وفي نفس الوقت بستهدف بالمقالات اللي فيه كلمات مختلفة عن اللي بستهدفها بالتاج بنسبة 50% .
مينفعش تبقى بتستهدف مقال وتاج بنفس الكلمة بنسبة 100% كده إنت بتدمر موقعك حرفياً وهتاخد وقت كبير علي ماجوجل يثق فيك ويبدء يدي أولوية للمقالات عن التاجات .
نصيحة أخوية : التاجات تستخدم في أضيق الحدود وتستخدم كفهرس لعدة مقالات مشتركة في نفس التاج فقط
ولو مش قادر تعمل ده نصيحة متستخدمهاش خالص .. بالتوفيق للجميع 
