fbpx
همسات فى الديجيتال ماركتينج

ازاى اظهر اعلانى لعميل مستهدف فى حملات الــ Search بجوجل ادز ؟

رسالة تبعتها لمدير موقعك عن الكلمات المفتاحية

ازاى اظهر اعلانى لعميل مستهدف فى حملات الــ Search بجوجل ادز ؟
قولنا فى البوست اللى فات ان اعلانات جوجل ليها عمودين رئيسين و اتكلمنا فيه عن العمود الثانى اللى هو الـ ” Ad Rank ”

النهاردة بقى هنتكلم عن العمود التانى اللى هو ” الكلمات الرئيسية ”

معلش البوست طويل شويا . بس هيفيدك جدا ان شاء الله

باختصار كدا ومن غير ما نقول كلام كبير
” الكلمات الرئيسية ” هى الكلمات اللى العميل بتاعك بيدخل يكتبها فى محرك بحث جوجل او شركائه عشان يبحث عن منتج او خدمة او معلومة او اى حاجة محتاجها

ده معناه انك لازم تبقى عارف كويس عميلك بيستخدم كلمات ايه فى عملية السيرش ( وده مش صعب فى ادوات كتير بتساعدك فى ده وبتديك تفاصيل كتير .. هقولك عليها فى اخر البوست)

انما المرحلة اللى صعبة او بتاخد مجهود كبير منك هى مرحلة المفاضلة والاختيار ما بين الكلمات الرئيسية دى عشان تبدا تحطها فى المجموعة الاعلانية للحملة بتاعتك

والمرحلة الاصعب بقى هى لما تكون خلاص اخترت الكلمات دى وهتبدء تحطها فى المجموعة الاعلانية بتاعتك لازم تبقى عارف انت هتحطها باى نوع

ده معناه ان فى انواع للكلمات ومش انواع بس فى كمان اشكال ليها .. لازم تبقى عارفها وعارف ازاى تستخدمها لان الانواع دى هى اللى بتحدد انت هتظهر لاى عميل بالظبط وهل هيكون مستهدف بدقة ولا لاء

فتعالى نقولهم بختصار كدا

اولا : اشكال الكلمات المفتاحية

🛑كلمات مفتاحية فردية – single Keywords
بتكون كلمة واحدة بس ( مثلا : تسويق ) خد بالك من حاجتين

🎯حلو اوى انك تمسك كلمة فردية فى ال SEO وتكون بتظهرك فى الصفحة الاولى بيها ( لكن لو انت موقع جديد منصحكش تبدء شغل الــ seo على انك تمسك كلمة فردية)

🎯ووحش جدا تعمل حملة اعلانية على Google Ads وتختار كلمة فردية وتشتغل عليها ( الا لو كان عندك هدف محدد من استخدامها)

🛑 كلمات مفتاحية قصيرة – Short Tail Keywords
بتكون كلمتين ( مثلا : تسويق الكترونى ) ودى كل ما كنت بتختارها بشكل كويس وتكتبها بشكل صح زى ما هقولك فى انواع الكلمات المفتاحية هتجبلك نتايجة كويسة

🛑 كلمات مفتاحية طويلة – Long Tail Keywords
بتكون اكتر من كلمتين ( مثلا : شركة تسويق الكترونى – افضل شركة تسويق الكترونى ) وطبعا دى بتكون اكثر دقة
وافضل فى السيرش وافضل فى النتائج وبردو لازم تراعى كتابتها بالشكل الصح زى ما هقولك فى فى انواع الكلمات المفتاحية

🔺وعايز اقولك كمان ان الكلمات المفتاحية بتتقسم ل 3 اقسام

🚫 كلمات المعلوماتية – Information Keyword
ودى الكلمات اللى العميل المحتمل بيكون بيدور على معلومة معين و فى الغالب بستخدم فيها صيغة سؤال زى مثلا ( ما هى انواع الكلمات المفتاحية)

🚫 كلمات تصفح – Navigational Keyword
ودى الكلمات اللى العميل المحتمل بيبقى داخل عارف هو عايز مين بالظبط وفى الغالب بتكون براندات زى مثلا ( امازون – جوميا – افهم تسويق 😉)

🚫 كلمات بيعية – Transectional Keyword
ودى الكلمات اللى العميل المحتمل بيكون بيدور بيها عشان ياخد قرار شراء او تنفيذ اشن معين فى اقرب وقت ممكن زى مثلا ( عروض على موبايل سامسونج – تحميل تطبيق جوميا – خصم على كورس جوجل ادز ) وهكذا

نيجى بقى لأهم حاجة فى الكلمات واللى بتفرق جدا فى اعلانك بظهر لاى عميل محتمل .. الا وهي

ثانيا : انواع الكلمات الرئيسية

ودى انواع الكلمات اللى بتستخدمها جوه حسابك الاعلانى فى جوجل
كانوا لحد فترة قريبة 6 انواع لكن تم تحديث وتم الغاء نوعين منهم واتبقى 4

🔷كلمات واسعة ( غير محددة ) – Broad
📍 هى كلمة بتضفها فى المجموعة الاعلانية زى ما هى ما بتضفش عليها اى اضافة وممكن تكون كلمة واحدة او اكثر (جملة يعنى)
📍 بيتم كتابتها بالشكل ده من غير اى اضافات 👈شركة تسويق الكترونى
📍 فى حالة البحث تسمح بالاخطاء الاملائية والكلمات المترادفة

🔷كلمات مطابقة العبارة – Phrase
📍 الاكثر شيوعا فى الاستخدام ويجب فيها مراعاة ترتيب الكلمات (وجوبيه الترتيب)
📍 بيتم كتابتها كدا 👈 “شركة تسويق الكترونى”
📍 فى حالة البحث بتسمح بالاخطاء الاملائية وامكانية اضافة كلمات اخرى بعد الكلمة اوقبلها

🔷كلمات مطابقة تامة –Exact
📍 بتحقق نتائج قوية لانها تعتمد على نفس اللى يبحث عنه العميل بالظبط📍 بيتم كتابتها كدا 👈 [شركة تسويق الكترونى] 📍 فى حالة البحث لازم تتطابق الكلمة اللى بيتم البحث بيها مع الكلمة دى بالظبط ومافيش امكانية لوجود كلمات قبلها او بعدها

🔷كلمات سلبية – Negative
📍 دى كلمات بيتم تجنبها فى حالة البحث بها وعدم ظهور الاعلان فى حالة وجودها فى البحث
📍 بتقدر تضيفها الى الحملة او المجموعة اعلانية من خلال قائمة للكلمات السلبية او من خلال تاب الكلمات السلبية

🔺🔺خلى دايما فى اعتبارك ان كتابة الكلمات المفتاحية بعد اختيارها بشكل صح هيفرق معاك فى اعلانك هيظهر لمين بالظبط و هيفرق جدا فى الميزانية اللى بتصرفها والنتايج اللى بتحققها

وفى الاخر مهم جدا انك تعرف ازاى تاخد مراحل الكلمات الرئيسية بشكل صح بداية من معرفة عميلك بيعمل بحث بكلمات ايه مرورا باختيار الكلمات والمفاضلة بينهم و بعد كدا ازاى تضيفها فى المجموعة الاعلانية وباى نوع عشان تقدر تظهر لعميلك المستهدف

واخيرا تقدر تحمل ملف فيه بعض الادوات اللى تساعدك فى اختيار الكلمات و معرفة احصائيات عن جوجل و كمان لانشاء موقعك من خلال اللينك اللى تحت ده

ولو كنت قريت ووصلت لحد هنا فانت شخص رأيه مهم جدا بالنسبالى
فقولى فى كومنت ايه الادوات اللى بتستخدمها فى حملاتك عشان الكل يستفيد

اظهر المزيد

مقالات ذات صلة

زر الذهاب إلى الأعلى
%d مدونون معجبون بهذه: