fbpx
همسات فى الديجيتال ماركتينج

مقدمة عن الميديا باينج 

مقدمة عن الميديا باينج

لو بتحاول تبدأ في الميديا باينج  ومش عارف تبدأ ازاي،  في المحتوى ده هكلمك عن أهم مرحلة لازم تعدي عليها قبل ما تقرر تستثمر فلوس او وقت او مجهود في تعلم  الميديا باينج والمرحلة  دي مكونة من ٥ نقاط أساسية وهما :

اولا : وظيفة الميديا باير – مهاراته الأساسية – مسؤولياته:

🛑  يعني ايه ميديا باير :  هو المسؤول عن عمل وادارة الحملات الاعلانية للشركات والوكالات الإعلانية

🛑  مهارات الميديا باير الأساسية:

– لو عندك واحده او اكتر من المهارات دي هتسهل عليك شغلك بشكل كبير:
مهارة البحث  –  مهارة التخطيط. – مهارة سرعة ودقة التنفيذ – الهوس بالتفاصيل – الAnalytical Thinking .

🛑  مسؤوليات  الميديا باير الأساسية:

عمل ميديا بلان  – تنفيذ خطوات الميديا باينج –   متابعة وتحسين نتائج الحملات – عمل تقارير- للحملات.

ثانيا الصورة الكبيرة للميديا باينج ايكو سيستم :

– بنسبة كبيرة جدا شغل الميديا باير مش هيطلع بره الجوانب دي وهي :

🛑  الشبكات الإعلانية – Ads Networks و من أمثلة الشبكات الإعلانية دي :

– إعلانات منصات السوشيال ميديا  ( فيسبوك & سناب & تيكتوك )

– شبكة  جوجل الإعلانية واللي من ضمنها  اعلانات : السيرش – الديسبلاي – الفيديو.

– شبكات  البروجراماتيك، النيتيف ادز.

– إعلانات الماركيت بليس زي :  امازون ونون.

ثانيا القياس : واللي مكون من ٣ خطوات رئيسية وهي :

تجميع البيانات  – تحليل البيانات – عمل  التقارير

🛑  تحسين معدل التحويل :والجانب ده مكون من ٣ خطوات رئيسية وهي : ال Conversion Research –  ال Testing – ال Optimization

ثالثا   السلم الوظيفي & متوسط المرتبات & إيجابيات وسلبيات شغلة الميديا باير

🛑  السلم الوظيفي : بشكل افتراضي تقدر تقول ان السلم الوظيفي بيتكون من :

جنيور ميديا باير – سنيور ميديا باير – تيم ليدر لقسم لميديا باينج –  هيد لقسم الميديا باينج  – مدير قسم الميديا باينج او البرفورمنس.

🛑  متوسط المرتبات : اللي هكلمك عليه هوه الشغل بدوام كامل  ومرتباته بتبدأ شهريا من ٣٠٠٠ جنيه
ل ٣٥ الف جنيه

🛑  إيجابيات وسلبيات شغلة الميديا باير:

الايجابيات: بتفتح عينك على فرص شغل كتير – بتديلك إحساس بالإنجاز علشان بتساعد البزنسس على تحقيق أهدافها. – عائد مادي محترم لو تميزت في الشغل.

السلبيات:  المسؤولية الكبيرة جدا – ارهاق وتعب شديد من كتر الشغل ل – الضغط الشديد اللي يؤدي للتوتر والقلق الدائم

رابعا  فرص الشغل اللي ممكن تتفتح ليك من خلال شغله الميديا باير.

شغل دوام كامل  او دوام جزئي في شركة أو وكالة إعلانية | شغل فريلانسينج مع شركة او وكالة اعلانية او تدير حسابات عملاء لوحدك تبقى شركة صغيرة يعني | شغل التجارة الإلكترونية |  شغل الافلييت ماركتينج.

5- المهام اليومية اللي بيقوم بيها الميديا باير

متابعة  وتحسين نتائج الحملات الإعلانية الحالية – تجميع بيانات وتحليلها  وتجهيز الحملات الإعلانية الجديدة – تنفيذ  الحملات الإعلانية الجديدة .

كده انا اعتبر خلصت المقدمة عن الميديا باينج بكل العناصر اللي فيها اتمنى اني اكون قدرت اوفرلك المعلومات اللي انت محتاجها واللي هتسهل عليك فهم الصورة الكاملة لشغلة الميديا باير .

اظهر المزيد

مقالات ذات صلة

زر الذهاب إلى الأعلى
%d مدونون معجبون بهذه: