15 مصدر بالعربي لتعلم الميديا باينج مجانًا
لو مهتم تبدأ أو تزود مهاراتك في تعلم الميديا باينج وبتدور على مصادر بالعربي فأنت في المكان المناسب لاهتمامك.
في المحتوى ده حاولت على قد ما اقدر اجمع 15 مصدر تقدر تتعلم منها الميديا باينج بالعربي مجانا.
المصادر دي هتفيد مين؟
- لو عايز تبدأ في مجال ال Media Buying ومش متوفر معاك فلوس تستثمرها في بداية تعليمك .
- لو عايز تطور نفسك فى مجالات ال Media Buying لكن مش لاقي مصادر عربية تغطي أكبر كم من المعلومات.
- لو صاحب بيزنس وعايز تتعلم ال Media Buying بالعربي علشان تساعدك في نمو البزنس الخاص بيك.
فلو مهتم بالحصول على المصادر دي كمل المحتوى للآخر علشان تعرف ازاي تحصل عليها
بدايه انا مرتب المصادر دي من منظور خبرتي وتجاربي في ترشيح طريق البداية في المجال ده لناس قريبين مني ونجح معاهم المنظور ده في تحقيق هدفهم في بداية تعلم الميديا باينج، وال Framework ده عباره عن تعلم ال Channels وال Tools دي:
1- جوجل تاج مانجر
2- جوجل اناليتكس
3- جوجل ادز
4- سناب شات ادز
5- فيسبوك ادز
الترتيب ده ليه هدف عندي حابب اوضحه سريعا :
انا مؤمن جدا ان اي ميديا باير في الوقت الحالي لازم يتعلم كويس جدا ال Modern Measurement وخاصه بعد تحديث IOS 14.5 قبل ما يتعلم يعمل اعلانات على أي منصة، وتعلم ال MM ده بحر كبير ولكن بيبتدي بتعلم جوجل تاج مانجر كأداة بتساعدك على Collecting data و تعلم Google Analytics ك Analytics Platform بتساعدك في Report data.
دلوقتي يلا نبدا :
1 & 2 جوجل تاج مانجر وجوجل اناليتكس :
على الرغم من ان الجزء ده كان مهمل جدا الفترة اللي فاتت في المحتوى العربي وتقريبا نادر اوي لما بقرا لحد انه منشن كونسبت ال Technical Marketing الا ان الفترة الاخيرة الحمد لله في كذا حد بدأ ينتج محتوى عربي يساعد بيه المبتدئين لجوجل تاج مانجر وجوجل اناليتكس, واحلى حاجه ان المحتوى لسه فريش السنه دي يعني لو بدأت مذاكرة في الكورس ده دلوقتى هتلاقيه محدث بالداشبورد اللي موجوده في تاج مانجر او جوجل اناليتكس 4.
3- جوجل ادز :
بعد بحث عميق للكورسات المتاحة بالعربي قدرت اني اجمع 5 مصادر تقدر تتعلم منها جوجل ادز ولكن مش كل فروعها طبعا ولكن كبدايه انك تتعلم جوجل سيرش وجوجل ديسبلاي هتبقى حاجه كويسه جدا، وبرده حاولت على قد ما اقدر اجيب كورسات المحتوى فيها فريش يكون معمول في 2021 أو 2020 او 2019.
4- سناب شات ادز:
للأسف المحتوى العربي فقير جدا في سناب شات بس بعد السيرش على محتوى يصنف انه محترم ومحدث بالداشبورد الحالية قدرت اجمع ٣ كورسات بالعربي هتساعدك بشكل مبدئي انك تتعلم سناب شات ادز.
5- فيسبوك ادز :
انا حاطط فيسبوك في الاخر لسبب معين وهو ان فيه ناس كتير معتقده ان الميديا باينج هي فيسبوك بس وقدام انت بتقرا الكلام ده دلوقتي يبقى بنسبه كبيره انت قريت المحتوى وعرفت ان فيه بلاتفورمز تانيه انت محتاج تتعلمها بجانب الفيسبوك ادز وبرده قدرت اجمع ٥ مصادر بالعربي تقدر تتعلم وتحسن أداءك في إعلانات الفيس بوك من خلالهم.
