ما الفرق بين الكوبي رأيت والكونتنت رايت ؟
سؤال : ايه الفرق بين الكوبى رايت و الكونتنت رايت؟
الاتنين بيتقال عليهم ( كتابة محتوى) و لكن الغرض من كل واحد فيهم (مختلف) عن التانى …. و هشرح لك إزاي:
الكوبى رايت: هو محتوى هدفه انه (يبيع) المنتج أو الخدمة بشكل مباشر، تقدر تقول عليه ( فن أو طريقة كتابة الأعلان)،
و بالتالى هتلاقى دايمًا الكوبى بتدفعك تاخد قرار الشراء بعد نهاية المحتوى ( Call To Action)، زي مثلًا الجمل اللي بتقراها وقت خصومات الجمعة:
- اشتري الآن
- اشترك الآن و أحصل على خصم كذا
بعكس ( الكونتنت رايت): وهو المحتوى اللي بيقدم لك معلومة فيها ( فايدة ليك) أو (توعية بالمنتج أو الخدمة المقدمة) …
تقدر تقول ان الكونتنت رايت هدفه انه ” يرفع الوعي بأهمية و قيمة العلامة التجارية” و انه يخلق حالة ارتباط و تفاعل مستمر مع الجمهور،
الكونتنت رايت مش مرتبط بغرض البيع … تقدر تقول بيقدم لك المعلومة “مجانًا” لأن زي ما قلت لك ( هدفه التوعية و خلق الارتباط) مش البيع،
ده كان شرح مبسط عشان تقدر تفرّق ما بين الكوبى رايت و الكونتنت رايت،
و لسه فيه تفاصيل أعمق فى الفروق ما بينهم و طريقة كتابة كل واحد فيهم هنشرحها بالتفصيل …
تابعنى على هاشتاج
#افهم_تسويق
