ليه بتشوف اعلان مقلوب فى الشارع

الإعلانات المقلوبة دي بقيت أشوفها كتير الفترة الأخيرة .

و المرة دي شوفت ١٥ إعلان ورا بعض كدة في شيراتون.

اللي في المجال فاهمين إن ده بيبقى عميل ما دفعش ..فكدة شركة الإعلانات بتعاقبه و بتعرّف الناس إنه مادفعش.

أو يكون المدة المتفق عليها خلصت و مفيش اعلانات جديدة.

طيب الأغلبية اللي في الشارع اللي مش فاهمة الموضوع ذنبها إيه تشوف ١٥ اعلان مقلوب، يعملها distraction و هي سايقة و منظر مش حلو عموماً .

و بصراحة هي منظرها مش حلو لشركة الإعلانات كمان .. مهما كانت المشاكل، شايفها مش طريقة احترافية و خطأ من الطرفين، و لو المدة خلصت ده كدة خاطئ تماما .

. سيبها و خلاص أو حط إعلان ليك لكن المنظر ده مش حلو