مطعم بيتزا كينج كاتب كدة علي كل زجاجات المياه
تعال نحلل ده من الناحية التسويقية ونستفيد
أولا فريق الماركتنج في المطعم وجد مشكلة وهى إن الجمهور مش بيشترى زجاجة المياه وبيرفض يفتحها
ليه لأن كلنا عندنا انطباع إن سعرها عالي عن المعتاد والمطعم بيبعها بسعر مبالغ فيه
فكلنا تقريباً لما بندخل اى مطعم او كافيه مش بنفتح زجاجة المياه أصلا
فالبتالي كراتين المياه متخزنة في المطعم ومش بتتحرك
ده المشكلة الي جت قدامك كراجل marketer
طب ايه الحل ؟
دائماً حلول الماركتنح بتكون ” السهل الممتنع ”
فريق التسويق كتب نوت بسيطة علي كل زجاجة مياه
السعر بتاعها 6 ج ، وده يعتبر سعر مناسب وهو كتب السعر عشان يوصل إحساس نفسي ويطمن العميل إن سعرها مناسب ويزيل اى انطباع قديم عنده
كمان كتب .. عطشان افتحها
ده هنعتبره ال cta الي بيشجع العميل ياخد الخطوة وقرار الشراء
الحقيقة دراسة سلوك العميل بكل تفاصيله هو مفتاح نجاحك في التسويق
ده دائماً الي بكرره في كل محاضراتى .. التسويق اشمل واعم من مجرد إعلان علي السوشيال ميديا
تحية بصراحه لفريق التسويق لمطعم بيتزا كينج 🙏
#افهم_تسويق
#شريف_محمود
