إيه رأيك لو تتحكم في تفكير الناس فيك؟ طيب جاوب على السؤال ده
– لما أسمك يتردد حابب الناس تفتكرك بإيه؟
بالرغم من سهولة السؤال إلا إنه من أهم الاسئلة اللي لازم تسألها لعميلك في أول ميتينج بينكم، وده لأنك هتبني من خلال إجابته انطباعات وأفكار هتساعدك في التسويق ليه
بالذات لو كان personal branding
فمثلًا لو عايز الناس لما تسمع أسمك تعرف أنك أفضل شخص في مجال التصميم
وأنك اشتغلت أكتر من 10 سنين في شركات وعندك خبرات عظيمة جدًا
هنركز على خبرتك في السنين اللي فاتت وأهم المشاريع اللي اشتغلت عليها..
فيه شخص كان عايز الناس تفتكره بـ المعلومات المجانية اللي بيوفرها ليهم
فـ النتيجة كانت أنه عمل جروب جمع فيه كل المهتمين بالمجال ووفرلهم محتوى مجاني وارتبط إسمه بالجروب..
أختار ميزة واحدة من كل المزايا اللي عندك واشتغل عليها كويس جدًا، بس بشرط إنها تكون ميزة فريدة مش منتشرة كتير
خليني اوضحهالك أكتر، فيه أماكن كتيرة بتقدم كورسات التسويق
بس اللي بيفرق مكان عن التاني هو المكان اللي هيقدملك خبرة حقيقية ومتابعة بعد الكورس وتطبيق عملي، وياسلام لو يجيبلك شغل كمان 
