انت كصاحب مشروع او كصاحب شركة ازي تختار المسوق الى يشتغل معاك 
1- بلاش تنزل منشور وتطلب مسوق بدون ماتحدد مجالك ايه هتلاقى ناس كتير عاوزه تتعلم وتقولك انا احسن حد لازم تحدد مجالك 
2- بلاش تروح لشركات التسويق الى بتحدد عدد نسب وصول بمقابل مادي بدون ضمان نتايج هتدفع فلوس على الفاضي
3- بلاش تطلب حد يعملك اعلان ممول زي ما بنشوف بوستات كتير اطلب مسوق يكون ملم بافكار تسوقيه وعنده افكار للمحتوي الكتابي والمصور والخطط التسويقية لأني بكل بسطه نوع الخط المستخدم فى الدزين بيفرق فى الاعلان لك ان تتخيل باقى التفاصيل
4- بلاش تمشي المسوق وراء دماغك في كل قرار ياخده اديله الحريه الكاملة انه يبدع فى شغله عشان يديك نتيجة كويسه 
5- الافراد زي الشركات والعكس صحيح بلاش تفتكر انى الشركة هتديك نتيجة افضل من فرد فري لانسر او العكس الاثنين زي بعض مدام عندهم ضمير فى شغلهم
6 – دور على المسوق بتاعك بشكل جيد لأني فى ناس كتير بتعرف تسوق لنفسها كويس جدا ومابتعرفش تسوق لغيرها وبكل بساطه المسوق ده هو أساس المشروع والشركة لو اشتغل صح اما ينجح مشروعك اما يفشله
7- اوعي تشتغل مع اي شخص شغال بالقسائم او بالمديونية او غير شرعي هيضرك اكتر ماهيفيدك – مش هقدر اقول مسوق لاني مفيش مسوق بيعمل كدا
