ارحمنى ! كل شوية تسأل وأنا كل شوية بجاوبك نفس الإجابات
ارحمنى ! كل شوية تسأل وأنا كل شوية بجاوبك نفس الإجابات
البائع: “كل شوية تسأل وأنا كل شوية بجاوبك نفس الإجابات! 
ده أنا لو بجاوب امتحان ثانوية عامة كنت دخلت طب ! “
العميل: “أنا بس حابب أتأكد من كام حاجه قبل ما أشتري.”
البائع: ” يعني المرة الجاية هتسألني عن لون الشنطة اللي هتاخد فيها المنتج؟! 
“
—-
العميل اللي بيسأل كتير مش بيعمل كده عشان يضايقك، لكن ده جزء من سلوكه النفسي. هو بيحاول يتجنب المخاطرة ويضمن إنه بياخد القرار الصح. الأسئلة دي وسيلة عشان يطمن إنه مش هيعمل غلطة في الشراء.
وعشان كده خليك
صبور : تقبّل إن العميل محتاج وقت ويتأكد من كل التفاصيل. كل إجابة بتقدمها بتقربك خطوة من إتمام الصفقة.
وفر المعلومات: جهز نفسك بمعلومات وافية عن المنتج أو الخدمة، وقدم للعميل كل اللي ممكن يحتاج يعرفه، ده هيقلل من الأسئلة.
لا تضخم المنتج : حاول تبني علاقة قائمة على الثقة من البداية. لما العميل يحس إنك صادق وشفاف، هيقلل من أسئلته وهيبقى مستعد ياخد القرار بشكل أسرع.
