تكتب محتوى لازم تفهم الـ SEO
إزاي تكسب قلب بتاع الـ SEO في 8 خطوات؟ 
الخطوات اللي هقولهالك دي خلاصة خبرة سنين، وهي سلاحي السري في إني أكتب مقالة وأحط رجل على رجل وأكون عارف انها هتتصدر، طبعًا ده في حالة إن باقي العوامل الأساسية متظبطه زي إن الموقع يكون خالي من مشاكل البرمجة سواء سرعة الموقع أو تجربة الاستخدام والفونت وغيرها من العوائق وعشان كدا قبل ما تكتب محتوى لازم تفهم الـ SEO .
طيب، ايه هي الخطوات اللي من خلالها تقدر تخلي بتاع الـ SEO والزائر وجوجل يحبوك؟ 
الخطوات بسيطة وهي كالتالي: 
1- لازم تقرأ كتير عن الـ keyword اللي هتكتب عنها، بل كمان لو تقدر تشرح اللي فهمته لحد اعمل ده هيفرق جدًا معاك وهيساعدك كتير وانت بتكتب.
2- اتفرج على المنافسين بتوعك بشكل سريع كده، شوف كتبوا ايه، وعملوا العنوان ازاي، والمقدمة خلوها تتماشى مع الـ keyword ازاي. اتعلم منهم علشان تعلي عليهم في المقالة بتاعتك.
3- حلل المنافسين بتوعك، هنا خليك بطيء اوي، كل اللي عليك انك هتكتب الـ keyword وهتشوف أول 10 مقالات متصدرة شوف عدد الكلمات، شوف تغطيتهم للموضوع أد ايه، شوف حاطين صور ولا لأ، حاطين فيديو ولا لأ، حاطين انفوجراف ولا لأ.
بحيث لما تكتب انت المقالة بتاعتك تعلي عليهم وتزود، يعني لو كاتبين نص بس ومش رافعين صور؛ خليك كريم وضيف انت صور، كاتبين نص ورافعين صور، اكتب انت نص وضيف صورة وضيف فيديو وهكذا.
4- جمع كلمات الـ LSI للـ keyword بتاعتك وحطهم ادام عينيك، وفكر ازاي تربط المعلومات اللي عندي بكلمات الـ LSI. هتلاقيهم في أسفل صفحة جوجل لما بتبحث عن أي حاجة، أو هتلاقيها لما بتكتب في الـ Search bar وجوجل بيقترح عليك، وفي أدوات تانية بتساعدك في الحتة دي.
5- قبل متبدأ في الكتابة اكتب مرادف الـ keyword بالانجليزي وابحث عنها، وحاول تعتمد عليها وانت بتكتب مقالتك بجانب معلوماتك، وياسلام لو تضيف case study هيبقى عظيم جدا. (ده سلاحي السري)
6- يلا ابدأ اكتب واضبط قواعدك النحوية والإملائية، وضيف الـ LSI Keywords والكلمة الأساسية في العنوان والمقدمة ووزعها بشكل لطيف، ومتأفورش وانت بتكتب، زي مبتكلم اكتب الناس هتحبك لما تعمل ده.
7- ساعد الـ SEO في انك تكتبلهم الميتا ديسكريبشن ودي تخليها شوف ولا تدوق هترفع جدا معاك في نسبة النقر إلى الظهور (CTR) ومتنساش تضيف فيها الـ keywords والمرادف بتاعها في حدود 150 حرف كده، واكتبلهم التاجز بردو اكسب فيهم ثواب.
8- لو معاك صور أو انفوجراف حاول تقلل حجمها قبل مترفعهم بحيث المبرمج يحبك هو كمان.
كده مبروك عليك بتاع السيو حبك خلاص
، والأهم من ده الزائر فعلاً هيستفيد، ووقت ما الزائر يستفيد ويقعد في المقالة بتاعتك ويقراها للنهاية؛ جوجل هو كمان هيحبك ولو حبك مبروك عليك الترافيك يا صديقي.
، والأهم من ده الزائر فعلاً هيستفيد، ووقت ما الزائر يستفيد ويقعد في المقالة بتاعتك ويقراها للنهاية؛ جوجل هو كمان هيحبك ولو حبك مبروك عليك الترافيك يا صديقي.دلوقتي أنا خلصت
، والدور عليك إنك تقولي ايه هي التركاية اللي بتعملها علشان تتصدر في جوجل؟ 
، والدور عليك إنك تقولي ايه هي التركاية اللي بتعملها علشان تتصدر في جوجل؟ تكتب محتوى لازم تفهم الـ SEO
