fbpx
كبسولات تسويقية

 5 خطوات للتقدم على المنافس !

 5 خطوات للتقدم على المنافس !

كـ صاحب شركة أو مشروع بتقدم خدمة أو منتج بنسبة كبيرة هيكون ليك منافس ، وطبعًا هدفك الأساسي هو زيادة أرباحك وده من خلال حفاظك على العملاء الحاليين واستهداف عملاء جداد تقدر تنمي عندهم الولاء للعلامة التجارية الخاصة ، وده هيتم من خلال نقط معينة هتميّزك عن المنافس وهي :-

ميزة تنافسية :

لو فعلًا عايز تكون مميز عن المنافسين فـ لازم يكون عندك ميزة مختلفة ونادرة أو منفعة يحتاجها العملاء في المنتج أو الخدمة اللي بتقدمها .

التواصل باستمرار مع العملاء :

التواصل بيكون من خلال حسابات التواصل الاجتماعي والمحتوى التعليمي أو التفاعلي ، ومن خلال الإعلانات اللي بتساعد في تثبيت العلامة التجارية في عقل العملاء الحاليين وجذب عملاء جدد .

 تحديد جمهورك المستهدف :

وكمان تجميع معلومات عنه زي طبيعة الشخصية والسن والمنطقة واحتياجاتهم المختلفة ، لأن كدة هتكون مهتم بالعملاء بشكل مباشر لأنك هتكون عارف كل تفاصيلهم وبالتالي هتقدر توفرلهم احتياجتهم وهتحدد طُرق التواصل المناسبة .

تحسين تجربة العميل :

بحيث يكون متاح للعميل أكتر من وسيلة لتسهيل عملية الشراء ، كمان مهم الاهتمام بالموقع الإلكتروني لأن ده هيساعد العميل في معرفة تفاصيل أكتر عن المنتج أو الخدمة ، والاهتمام بشكوى العميل و رأيه وحل المشكلات اللي ممكن تواجهه ده هيخلق انطباع كويس عند العميل وهيزود ثقته .

ابحث عن منافسيك :

اعرف كل المنافسيين ليك وحدد المنتجات او الخدمات اللي بيقدموها والسياسات الخاصة بيهم وطُرق تسويقهم ، ولازم تحدد نقاط القوة والضعف الخاصة بيهم عشان تقدر تنمي نقط القوة وتقلل نقط الضعف وتحاول تتطور شركتك باستمرار .

اظهر المزيد

مقالات ذات صلة

زر الذهاب إلى الأعلى
%d مدونون معجبون بهذه: