إزاي تعمل SWOT Analysis ؟
أولًا : تحليل SWOT : كلمة SWOT هي اختصار لـ “Strengths – Weaknesses – Opportunities-Threats “ وهي ” نقاط القوة – نقاط الضعف – الفرص – التهديدات ” ، وهو أداة تحليل لتقييم الجوانب الأربعة وتقييم موقع الشركة التنافسي لأن من خلاله بيتم تحديد نقاط القوة والضعف والفرص والتهديدات الخاصة بالشركة .
ثانيًا : إزاي تعمل SWOT Analysis ؟
لازم قبل ما تبدأ يكون جاهز معاك ملف تعريف للشركة وفيه وصف لعمل الشركة ومين عملائها ، وهتبدأ من خلال ٦ خطوات :-
تحديد أهدافك من SWOT Analysis : بمعنى ان يكون في هدف أساسي بتسعى تحققه دي انك تدخل سوق جديد .
البحث في السوق : بحيث من خلال بحثك تعرف معلومات عن السوق وعن المنافسين وعن عملائك بشكل تفصيلي أكتر .
حدد نقاط قوة شركتك : النقاط القوة زي قوة العلامة التجارية أو كفاءة الموظفين ، أو ميزة تنافسية بتتميز بيها ، أو شيء معين بيميز شركتك عن المنافسين .
حدد نقاط الضعف : مهم انك تحدد نقاط الضعف الخاصة بالشركة لان ده هيساعدك تقللها تدريجيًا وتختفي مع الوقت ، وهتعرف من خلالها ايه اللي المفروض تتجنبه وايه اللي المفروض تطوره في منتجك أو خدمتك ، وبتكون نقاط الضعف زي مثلًا عدم قدرتك على جذب عملاء جدد ، أو انخفاض حصتك في السوق .
حدد الفرص : الفرص تعتبر العوامل الايجابية الخارجة عن سيطرتك ولكن لها تأثير على الشركة ، والفرص بتكون زي قانون ممكن يكون في مصلحة شركتك أو تغييرات تكونولوجية تقدر تستفاد منها .
حدد التهديدات المحتملة : التهديدات هي عوامل خارجية بيكون ليها تأثير سلبي على شركتك وتمثل خطر أو ضرر زي زيادة المنافسة أو ارتفاع أسعار الفايدة ، ومهم انك تعرف لو اي قانون ممكن يأثر بشكل سلبي أو مخاطر مالية في السوق وتضع خطة احتياطية لتجنب أي خساير .
