ازاي تزود أرباح شركتك في ٧ خطوات !
بما انك صاحب شركة فـ اكيد هدفك الأساسي هو نجاح الشركة و انك تزود أرباحك ، وده هيحصل من خلال اتباعك استراتيجيات وخطوات معينة هتفيدك بشكل إيجابي في انك تنجح وتنمي شركتك وتطورها وتقدر تتغلب على المنافسين وبالتالي هتزود أرباحك ، وهي :-
التسويق لعملاء جدد :
طبعًا العملاء الحاليين ليهم أهمية كبيرة في نجاح شركتك ، لكن استهدافك لفئة جديدة من العملاء كل فترة هيساعد في انتشار علامتك التجارية بشكل أسرع وهيزود من المبيعات وبالتالي هتزود ربحك !
إضافة منتجات أو خدمات جديدة :
مهم ان تفكر بشكل مختلف وتقدم منتج أو خدمة جديدة لأن ده هيجذب فئة معينة من العملاء محتاجين المنتج او الخدمة الجديدة اللي هتقدمها وبالتالي هتزود أرباحك من خلال تميّزك بالجديد .
تقليل النفقات :
وده من خلال انك تكون دقيق جدًا في كل التدفقات الداخلة والتدفقات الخارجة ، وتحاول تقلل أي نفقات أو مصاريف مش مهمة في الوقت الحالي وتختار البدائل الاقل ولكن بنفس الجودة ، ده هيزود التدفقات الداخلة والأرباح .
مراقبة المخزون بشكل مستمر :
إدارة المخازن والمخزون من أهم التفاصيل اللي المفروض تهتم بيها ، بجيث تتجنب أي فجوة بين الطلب والعرض ، وتتجنب أي تكاليف خاصة بالمرور في حالة زيادة العرض عند الطلب أو تتجنب أي قصور في حالة زيادة الطلب عن العرض .
التركيز على المنتجات أو الخدمات اللي بتقدم أفضل ربحية :
لو شركتك بتقدم أكتر من منتج أو أكتر من خدمة فـ من المحتمل ان يكون في طلب على منتجات معينة أكتر من منتجات تانية وفي الحالة دي لازم تهتم بيهم وتحاول تطورهم دائمًا عشان تشبع رغبة العميل وتكسب ثقتهم وتمنعهم من انهم يروحوا للمنافس .
اهتم بمواقع التواصل الاجتماعي :
لازم تهتم بالتسويق وبأنواعه وبمنصات التواصل الاجتماعي بحيث تكون على تواصل مستمر بالعملاء وتبلغيهم بكل جديد وبالخصومات والعروض المتاحة وده كمان هيزود المبيعات ويزود الربح .
ابدأ التسويق قبل الانتاج :
قبل ما تنتج منتج أو تقرر تقديم خدمة لازم تدرس السوق وتدرس العملاء وتعرف آرائهم واحتياجاتهم وتبدأ ترسم خطتك لتنفيذ وتلبية احتياجات ورغبات شريحة العملاء المستهدفة لأنهم أساس نجاحك وأرباحك ، ده هيوفر وقت ومجهود ومال .
