مش كل البدايات بتكون ناجحة بس مش معنى كدة انك تيأس !
المهم انك تستمر وتصر على النجاح وهتوصل
وده بالفعل الى حصل مع سلسلة مطاعم البيك المعروفة فى السعودية ودي تعتبر أشهر قصص نجاح للمطاعم فى الوطن العربي .
صاحب فكرة تأسيس سلسلة مطاعم البيك هو ” شكور ابو غزالة” كانت في سنة ١٩٧٤ ، بدأت الفكرة من فتح مطعم صغير لتقديم الوجبات السريعة ، وهو أول شخص قدر أنه يدخل ” البروست ” للمملكة العربية السعودية ، ووقع اتفاقية مع شركة ” بروست الفرنسية ” و من خلالها استخدم مُعدات وخلطات خاصة بالدجاج .
ولكن أول فرع فتحه ” شكور ابو غزالة ” محققش النجاح المطلوب .
و بعد وفاة الوالد ومرور سنين ومرورهم بصدمات وخسائر بدأ رامي وأخوه في تكملة المشوار اللي بدأه والده و بعد بحث ودراسة واصرار منهم لمدة ٤ سنين قدروا ينتجوا الخلطة الخاصة بيهم .
وفتحوا أول فرع في جدة وحقق نجاح كبير وقرروا بعدها التوسع وفتحوا فرع في مكك المكرمة سنة ١٩٩٠ وبعد نجاح كبير وصل عدد الفروع لـ ٦٣ فرع في كل أنحاء المملكة .
طب ايه هى اسباب النجاح الكبير دا ؟
لأنهم اعتمدوا على ٤ عوامل أساسية ، ودول كانوا عوامل اساسية في تحقق النجاح دا وهي :
الجودة :
جودة الطعام والخدمات كانت من أهم أولوياتهم .
الزبائن :
كان بيتم مراعاة الفوايد اللي هيحصل عليها الزبون و كمان العامل .
الربح طول المدى :
كانت أفكارهم معتمدة ع الربح الطويل و مش القصير لأن ( أي مكسب هيجي بسرعة فـ يتصرف بسرعة ) والدليل أنهم ثبتوا سعر ١٠ ريال لـ اكتر من ٢٥ سنة !
التفاعل مع المجتمع :
كان نجاحهم انهم قدروا يتفاعلوا مع المجتمع ويكون فيه مقابل منهم .
ولأن نجاحك يهمنا فـ احنا هنساعدك في تحقيق النجاح ده وهنكون معاك خطوة بخطوة وهنوصلك لأول طريق النجاح
