7 إستراتيجيات لمواجهه الأزمات ومضاعفة المبيعات
بعد إنخفاض سعر الجنية و إرتفاع سعر الدولار والتضخم في الأسواق رجال المبيعات هيواجهوا مشاكل في البيع، وخصوصاً مع دخول شهر رمضان.
لإن التعامل مع أزمة كبيرة ودخول موسم مهم في نفس الوقت دي مشكلة لكل رجل مبيعات وعلشان كده لازم تتعلم ازاي تتعامل مع الأزمات 💪🏻
في البوست ده هنقدملك 7 استراتيجات تخليك تدرير الأزمه بشكل احترافي وتضاعف مبيعاتك بكل سهولة 📊
1️⃣- عميلك هو أول أولوياتك
لازم تعيد دراسة احتياجات العميل وفقا لتطورات السوق.
قدم خدمة مميزة لعميلك وراعي ظروفه، و اتكلم معاه وافهم احتياجاته علشان تعرف تعيد دراسة احتياج عميلك وقت الأزمة لإن إحتياج عميلك هيختلف مع وجود الأزمة.
2️⃣- تغير الـ mind site
تغير عقلية البيع التقليدية واكتساب الsales mindset وده لإن عندنا نوعين من رجال المبيعات في وقت الأزمات، جزء منهم بيبص علي نص الكباية الفاضي ودول الهواه لكن المحترفين بيبصوا على نص الكباية المليان.
رجل المبيعات المحترف بيفكر ازاي يملي نص الكباية الفاضي ويفكر في حل للمشكلة، أما الهاوي هتلاقيه دائما بيبص على نص الكباية الفاضي وعلى المشكلة وبيقنع نفسه انه مش هيقدر يبيع ولا يحقق التارجيت.
3️⃣- أجذب العميل ليك
وضح لعميلك إننا في أزمة وأرتفاع الأسعار وارد جداً في أي لحظة والمنتج اللي ممكن تشتريه دلوقتي بـ 2 جنية بكرة ممكن يوصل لـ 10 جنية.
واستغل الأزمه إنها تكون وسيلة لإقناع عميلك وزيادة مبيعاتك.
4️⃣- قدم value لعميلك
وضح لعميلك إن منتجك هيحل مشكلة عنده وهيشبع احتياجاته في الوقت الحالي لإنه بعد فترة ممكن يلاقيه بضعف الثمن ووقتها هيخسر كتير.
5️⃣- العروض والخصومات
علشان تقدر تزود مبيعاتك وقت الأزمة لازم تقدم لعميلك عروض حقيقية، تحفز عميلك إنه يشتري منك و ميختارش المنافس بتاعك ووقتها هتقدر تعزز القوة الشرائية وتزود مبيعاتك.
6️⃣- أعرف إستراتيجية التسعير
أنت كرجل مبيعات لازم ترجع للشركة في جزئية إعادة النظر وتسعير منتجاتك بطريقة تحفز العملاء على إتخاذ قرار الشراء.
7️⃣- Cross selling
هي استراتيجيه تقدر تزود مبيعاتك بيها بإنك تعرض منتجات تكميلية مناسبة عميلك محتاجها.
مثلا عميلك اشتري لابتوب جديد وبعد ما قرر نوعه ومواصفاته، بتبدأ تعرض عليه منتجات مكمله ليه.
مثلاً mouse أو شنطة للاب علشان تسهل عليك استعماله وتقدر تحافظ عليه، وهكذا على أي منتج تكميلي للمنتج الأساسي.
✅ الأزمات بتصنع الثروات والمعجزات، وأنت كرجل مبيعات لازم تكون مستعد لأي أزمة و تقدر تفكر في حلول ليها وتعرف تديرها بشكل صحيح وكمان تعرف ازاي تطلع منها مستفيد.
