ازاي احدد الفلوس اللي هدفعها في الحملة الإعلانية ؟

ازاي احدد الفلوس اللي هدفعها في الحملة الإعلانية

ده سؤال لو اترد عليه علي طول يبقي ده الغباء بعينه .. اوعي تشتغل مع حد علي اي منصة اعلانية لو رد عليك عالسؤال ده علي طول أومــال ايه اللي المفروض يحصل علشان احدد الفلوس اللي هتندفع في الاعلان بتاعي او في مدة الحملة الإعلانية بتاعتي ؟؟

إجابة السؤال ده يعتبر واحد من أهم عـــوامل نجاح حملتك الإعلانيه وتعالي اقولك ليه وحاول تركز معايا ومتزهقش من الشرح الكتير لو كنت عايز تفهم او مينضحكش عليك من اي حد ( واقصد مينضحكش عليك مش معناها ان الانسان اللي بتعمل معاه الاعلان قاصد يضحك عليك لااا طبعا هو كل الموضوع انه مش فاهم او محاولش يفهم او يذاكر ويفهم المنصة اللي هو بيتعامل معاها سواء ( فيس بوك – جوجل ادز ) بتشتغل ازايمبدأيا كده في ثلاث مصطلحات لازم نفهمهم كويس جداً جداً جداً ؟

الاول : هو CPC اللي هو اختصار ل Cost Per Click معناه بالعربي تمن النقرة الواحدة علي اعلاني

الثاني : CR اللي هو اختصار ل Conversion Rate ومعناه بالعربي يعني ( معدل التحويل ) بمعني كم واحد شافو اعلاني ومنهم قد ايه اشتري المنتج بتاعي وال CR علي طول بيطلع بالنسبه المئوية

الثالث : Earning بالعربي يعني الأرباح بتاعتي قد ايه .. واقصد هنا بالارباح هيا صافي ارباحك في المنتج يعني مثلا انت بتبع موبايل انت جيبه ب 1000 جنيه وبتبيعه ب 1100 ال 100 جنيه هنا هيا دي ارباحك اللي هيا ال Earning

طيب ما تصدعناش بقا وقولنا ازاي بنحسب تمن الإعلان ؟

حاضر يا سيدي هقولك بس الصبر – علشان احدد تمن الحملة لازم وحتمياً ابقي عارف التلت حجات قيمتهم قد ايه بالظبط ..

التلت حجات اللي هما (Earning – CPC – CR ) اسهل قيمه ممكن اعرف بمنتهي السهوله اللي هيا ال Earning اللي هيا مكسبك كام في بيع المنتج يعني علي سبيل المثال انت بتبيع حاجه ب 250 جنيه وانت اصلا جيبها ب 200 جنيه يبقي مكسبك فيها 50 جنيه

طيب تعالي بقا ل CPC – CR ؟؟

لو اي حد قالك انا اقدر اعرفهم ف الاول متشتغلش معاه ..لان زي ما قولتلك هو مش فاهم اي معلن في الدنيا او حد بيعمل اعلانات بيبقي همه جدا ان الحمله تنجح علشان تفضل انت عميل عنده لان طول ما انت بتكسب هو بيكسب فا من مصلحتة ان الحمله تنجح علشان يحافظ عالاستمرار ..

طيب نرجع للموضوع ازاي نعرف تكلفة ال CPC اللي هيا التمن للنقرة الواحدة وازاي نعرف ال CR اللي هو معدل البيع ( بمعني من كل 100 شخص شافو الاعلان بتاعك كام واحد هيشتري ؟ )

وفي الحقيقة علشان تعرف قيم الحاجتين دول مش هقولك ان الموضوع صعب انما في مراحل كتير جدا لازم تعملها ..ومراحل علمية اي ماركتير مش ساحر ولا منجم .. انما لو كان بيشتغل عن دراسه وعن علم هيقدر يعرف الحاجتين دول بسهولة ..

بس من اولي العوامل اللي لازم تعرفها كصاحب منتج انك تسيب اللي بيعملك الاعلان فتره الفتره دي باي حال من الاحوال لا تقل عن اسبوعين ولا تزيد عن شهر .. بيعمل اعلانات وبنسمي الفتره دي فتره Learning بنعرف منها الرقمين دول بيفضل يجرب حجات كتير جدا و Keywords و locations مختلفة وآليات مختلفة ف عمل الاعلان وغالبــــــــــــــــاً الفترة دي مش بتكون فيها مبيعات جيدة .. اه يعني ساعدتك هتزعل دلوقتي وتقولي اني برمي فلوس عالارض .. لااااا يا فندم حضرتك بتدفع فلوس مقابل انك تحصل علي داتــا تساعدك بعد كده انك تحقق ارباح مذهلة

من تاني العوامل الهامة جدا برده في اي حملة اعلانية في الدنيا هو تحديد هدف من الحملة الإعلانية .. بقابل كتير من الناس اقوله انت عامل ليه الحمله دي يرد وبكل بساطة علشان ابيع !!! ..

وفي الحقيقه ده برده بنسميه فنكوش الماركيتنج مفيش حاجه اسمها كده لازم يوضع هدف وهدف رئيسي لحمتلك الاعلانيه .. علي سبيل المثال انا عايز ابيع 100 قطعه من البرودكت الفلاني اللي سعره مثلا 250 جنيةفي عوامل تانية كتير بس علشان تتشرح دي عايزه وقت كبير جدا .. ولكن تعالي اعرف اهمية انك تعرف التلت حجات اللي اتكلمنا عنهم فوق (CPC – CR – Earning ) وهضربلك مثال هيفهمك جدا جدا

علي سبيل المثال لو عندي منتج بكسب منه صافي ربح 50 جنيةوعرفت تكلفة النقره الواحدة وليكن : 20 قرش = 0.20 جنيةوعرفت معدل التحويل اللي هو من كل 100 شخص يشوفو اعلاني كام شخص هيشتري وليكن : 1% ودي اقل معدل ممكن نتكلم عنة*** وجيت حددت لنفسي هدف اني عايز ابيع 200 بيعة **هعمل معادلة بسيطة جدا علشان اعرف تكلفة الحملة بناء علي القيم اللي فوق عن طريق :عدد المبيعات اللي عايز انفذه مقسوم علي معدل التحويل = عدد الكليكات اللي هحتاجهابالانجليزي Sales Target / CR = Number of clicksهنحط القيم بتاعتنا : 200 بيعة / 0.01 ( معدل التحويل ) = 20,000 كليكوبعديد هضرب عدد الكليك في تكلفة النقره الواحدة اللي هيا 20 قرش20,000 * 0.20 = 4000 جنيةوبكدة عرفت ان تكلفة الحملة الاعلانية : 4000 جنيةوطبعا انا عارف مكسبي كام : لان انا محدد 200 بيعه * 50 جنيه مكسب = 5800 جنيةهتطرح المسكب من تمن الحملة : 5800 – 4000 = يبقي حضرتك كسبت 1800 جنية– شوفت لما عرفت الأرقام قدرت احدد حتي المكسب بتاعي – متشتغلش مع حد الا بالطريقة دي ..

اي كلام تاني غير كده فا هيؤدي ف آخر لنتايج غير مرضية وصاحب المنتج هيتخانق مع المعلن ويقوله انت مش كويس والمعلن يقول هو ايه اللي انا عملته غلط !! طيــب ما نتعلم يا جماعة الموضوع بسيط