الباير برسوناكبسولات تسويقيةهمسات فى الديجيتال ماركتينج
الإعلان الناجح هو جزء من خطة التسويق
الإعلان الناجح هو جزء من خطة التسويق
مفيش نجاح بالشوكة والسكينة!!
ومفيش إعلان ممول من ايام الجرايد والراديو لحد عصر السوشيال ميديا
مروراً بالفضائيات بيجيب نتائج كبيرة ويكسر الدنيا بدون خطة –
الإعلان الناجح هو جزء من خطة التسويق وغير كده المعلن وآي صاحب بيزنس بيدخل في دوامة من التجارب بضيع الوقت وتحرق فلوس بدون نتائج….
رحلة التحول من مرحلة (إنتج وبيع) إلى الـ Marketing
مرحلة لالا تسويق إيه إحنا بنشتغل بالبركة وعندنا زباينا والناس كلها بتحبنا… إلــــخ 
ودي بتأخد فترة زمنية من ٣ سنين لـ ٢٥ سنة حسب وعي صاحب المحل.
مرحلة لو قدامك زبون أو تعرف مشتري ولا تجيب لنا مستورد… وشكراً لك 
ودي بتأخد سنين لف و دوران. مرحلة النشر على صفحة Facebook الشخصية والجروبات العامة وطلب مُسوقين (بالعمولة) وإستخدام اي وسيلة متاحة للنشر شرط تكون… “مجانية” 
ودي بتأخد وقتك ومجهودك وجزء من حاسة الإبصار.
مرحلة هنخليك نمبر وان وإعلانك هيظهر بالكواكب الخارجية وعلى سحابات المجرة… 
ودي بتأخد منك شوية فلوس على الإعلانات الرخيصة وبالمقابل نتائج ضعيفة جداً.
مرحلة الـ Marketing 
واللي هي…– وضع plan واضحة بهدف فتح أسواق محلي أو تصدير
– تنفيذ Marketing program بإستخدام أدوات التواصل والإعلان المتاحة Social media & Status
حاجة كده تكبرك وتنجح مشروعك بجد وكمان بتساعدك على إدارة الأزمات وحلول مالية وإدارية وجذب الإستثمارات (زيادة رأس المال) لمشروعك…
ودي بتأخد عام كامل أيوة ١٢ شهر أصل مفيش نمو حقيقي بيحصل في شهرين تلاتة لكن من نتائجها 
– هتفتح لك سوق على مستوى الجمهورية أو تصدير
– مشروعك هيكون Brand محلي يعني حد موجود ومنافس بجد في السوق المصري
– اللي هتصرفه بيرجعلك أضعافه أرباح
– تقدر تتوسع بعد السنة الأولى وتعمل جذب إستثمارات (زيادة رأس المال) 10 أضعاف رأس مالك
وأخيرا مفيش نجاح سهل ولا أرباح عالسخان ولكل مجتهداً نصيب… 
