ليه يجب عليك الاهتمام بالاعلانات
و بتقدم منتج أو خدمة ليه لازم تهتم بالإعلانات ؟
مبدأيًا حتى لو بتقدم أفضل منتج أو أفضل خدمة لكن بـ دعاية ضعيفة فـ للأسف مش هتوصل للنجاح المتوقع ، لأن التسويق والدعاية بأنواعها مهمة في أنها بتعرف الفئة المستهدفة من العملاء بـ منتجك أو خدمتك وبتساعدك في الحفاظ على مكانك في السوق .
الإعلانات تعتبر من أفضل استراتيجيات التسويق لأنه عبارة عن وسيلة تواصل بين العلامة التجارية وبين العملاء اذا كانوا حاليين أو محتملين ، والهدف الأساسي والنهائي من الاعلانات انها تقنع العميل بشراء المنتج أو الخدمة وبالتالي تحقيق الأرباح .
ازاي الاعلانات مهمة لشركتك ؟
لو هتقدم منتج جديد في السوق هيبقى اعتمادك الأساسي على الاعلانات وتعريف العملاء والجمهور بشكل عام بعلامتك التجارية وبمواصفات منتجك الجديد وتفاصيله ، وده هيساعد العملاء انهم ياخدوا فكرة عامة عن شركتك ومنتجاتك وده هيساعدهم على قرار الشراء .
لما تبدأ تعمل عروض وخصومات على منتجات في أوقات معينة ، الإعلان هيساعدك في توصيل العروض للعملاء وبالتالي ده هيشجعهم على الشراء .
أيًا كان المبلغ اللي هتدفعه للحملات الإعلانية هيتردلك أضعاف ! لأن الإعلان هيوصل لأكبر عدد من العملاء وده هيساعد في انتشار علامتك التجارية وشهرتها وبالتالي تعريفهم بمنتجك أو خدمتك وهتبدأ عمليات الشراء تزيد وده هينعكس بشكل إيجابي على أرباحك وهيزودها في وقت قليل .
الإعلانات المستمرة هتساعد شركتك انها تكون دايمًا حاضرة في عقول العملاء وهيكونوا دايمًا فاكرين منتجك أو خدمتك المقدمة وده هيساعد في الحفاظ على مكانك في السوق وكمان بين المنافسيين وبالتالي هيبقى صعب عميل يتجه للمنافس في حال وجود منتجك بشكل مستمر .
والدليل على أهمية الإعلانات وارتباطها بزيادة المبيعات ، مقولة ” ستيف جوبز ” وهي ” لا يعرف الناس ما يريدون حتى تُريهم إياه ” ، بحيث ان المنتج اللي بتقدمه حتى لو مش مطلوب ولكنه مميز ومختلف ويقدر يفيد العملاء وعرفوا معلومات واقعيه عنه أو شافوه بالفعل ده هيزود طلبهم عليه وبالتالي هتزيد مبيعاتك .
