يعني إيه إدارة المواهب
مش مجرد مندوب مبيعات 🙄
متخليش مندوب مبيعات متميز يضيع منك من غير ما تكتشف موهبته وتوظفها صح!
👈سواء كنت رائد أعمال ناشئ أو عندك شركة كبيرة، وسواء كنت مسئول مباشر عن المبيعات أو شغال وسط تيم مبيعات، مهم جدا يكون عندك مهارة “إدارة المواهب” Talent Management.
يعني إيه إدارة المواهب⁉️
▪️يعني بدل ما تضطر إنك كل شوية تجيب موظف مكان موظف تاني، لازم تعرف إن تكرار العملية دي أو ما يعرف بالـ staff turnover عملية مكلفة، وبتضيع كتير من موارد الشركة سواء في تدريب الكوادر أو تأهيلها أو التكيف مع بيئة العمل وسياسات الشركة ورؤيتها..
✅ الحل في إنك تحافظ ع فرد المبيعات الموجود.
بس منين تعرف إن كان الموجود مناسب فعلاً ولا لأ؟🤔
▪️هنا تيجي أهمية عملية إدارة المواهب، اللي من خلالها بتمر بأربع مراحل تأكد لك إنك ماشي صح:
1. مرحلة اكتساب المواهب: هنا بتعمل لنفسك براند واضح ورؤية تخلي أي موظف جديد للمبيعات يبان من الأول إن كانت امكانياته تتماشى معاها ولا لأ.
2. مرحلة التقييم المستمر: في المرحلة دي بتعمل تقييم أولا بأول لالتزام الموظف واتساقه مع أهداف الشركة، وتحسن نقاط ضعفه وتعزز ثقته في نفسه.
3. مرحلة تطوير الموظف: اسأل نفسك هل بيستجيب لتقييمك؟ بيتطور؟ يا ترى دخل جوة خطة الشركة وبقى متفاعل وبيقترح وبيضيف ليها؟ مجهودك معاه جايب نتيجة واضحة؟
4. مرحلة اتساق الأهداف: لو وصلت للمرحلة دي أقولك مبروك!
دة دليل إن الموظف بدأت أهدافه الشخصية اللي عايز يوصل لها من الكارير بتاعه تتماشى مع أهداف الشركة، وبقى عنده القابلية إنه يستمر فيها لأطول فترة ممكنة، وهنا هيبدأ يبوح عما في نفسه ويطلب التدريب المناسب لطموحاته.
