تقليل تكلفة اعلاناتى فى جوجل مع الحفاظ على ظهورها بشكل افضل
اعلانات جوجل ليها عمودين رئيسين
لو فهمتهم كويس هيفرقوا معاك جدا فى نتائج حملاتك الاعلانيه
العمودين دول هما
🛑 الكلمات الرئيسيه
🛑 و الـ Ad Rank ( رتبة الاعلان)
هنركز في المقال ده علي ال Ad Rank
مقصود ب الـ Ad Rank هو رتبه الاعلان اللي جوجل بيديها لاعلانك
كل ما كانت رتبه الاعلان عاليه كل ما كان نسبه ظهور اعلانك عاليه
مهم جدا تعرف العوامل اللي بتأثر في ال Ad Rank و ازاي تقدر تنفذ العوامل دي و كمان تعرف تقراها في تقرير الكلمات دي و تعرف تحدد المشكله في اي عامل منهم و تبدأ تحلها
هناك عامليين اساسيين بيأثروا في الــ Ad Rank
العامل الاول : الــ Quality Score (نقاط الجوده)
العامل التاني : الــ CPC (سعر النقره)
🛑 اولا : الــ Quality Score
كل كلمه من الكلمات الرئيسيه بيكون لها Quality Score خاص بيها وبيكون من 1 الى 10 وكل ما اقترب من ال 10 كل مكان افضل
السؤال هنا بقي انا ازاى اخلي الــ Quality Score يوصل لــ10 او يكون قريب منها 9 مثلا ؟
فى 4 عناصر اساسية بتاثر فى الــ Quality Score
🛑 الــ CTR ( معدل النقر الى الظهور)
🛑 الــ Ad Format ( تنسيق الاعلان )
🛑 الــ Ad Relevance ( علاقة الاعلان بالموقع)
🛑 الــ Quality Landing Page ( جودة صفحة الهبوط)
الــ 4 عناصر دول لو قدرت انك تشتغل عليهم صح جدا هيضمنولك ان اعلانك يظهر بشكل كويس جدا و كمان بتكلفة اقل من المنافس اللى مش بيشتغل عليهم صح
🛑 ثانيا : الــ CPC
وده المقصود بيه السعر اللى بتدفعة فى النقره للكلمة وطبعا لاول وهلة هيجى فى دماغك انك ممكن تدفع سعر عالى عشان تكون افضل من المنافسين
هو ده منطقى لكن فى حاله واحدة هو ان المنافس بتاعك يكون شاطر زيك واشتغل على ال الــ Quality Score كويس جدا ف انتوا الاتنين واخدين نفس ال الــ Quality Score فى الحاله دى اللى هيفرق بنكم سعر النقره عشان رتبة اعلانك تكون اعلى من المنافس
انما لو المنافس مابيشتغلش علي الــ Quality Score كويس فى الحاله دى انت بيكون عندك فرصة كبيرة جدا انك تظهر بشكل افضل وبتكلفة اقل من المنافس
لان معادلة الـ Ad Rank = الــ Quality Score (نقاط الجوده) * الــ CPC (سعر النقره)
وفى الاخر مهم جدا انك تعرف ازاى تقرا الكلام ده جوه حسابك الاعلانى وتحدد المشكله فى اى عامل او عنصر من العناصر السابقة دى وتحله
