ما هو google discovery وكيف يمكن الاستفادة منه ؟
جوجل ديسكفري هو آلية للإقتراحات النتائج الاكثر تناسباً مع اهتمامات الباحث
يعني على سبيل المثال : لنفترض انك عميل مهتم بأجهزة الماك ، وكل يوم بتشوف اي الجديد فى عالم الأجهزة دي ، جوجل تلقائيا هيرشحلك كل المواقع الاكثر ثقة وجدارة فى النقطة دي بدون ما تبحث حتى .
عدد مستخدمين Google discovery وصل ل 800 مليون مستخدم شهريا وده يخليك تفكر انك لازم يكون ليك نصيب في قطع من هذه التورتة الكبيرة .
ولكن علشان تاخد نصيبك لابد انك تتبع معايير جوجل في النقطة دي وهما 5 معايير :-
1- انك لازم تستخدم عنوانين واضحة بتعبر عن مضمون المحتوى بتاعك مش بتستخدم عنوانين علشان تجذب الانتباه زي عنوانين Clickbait .
2- استخدام صورة عالية الجودة لا يقل عرضها عن 1200 بيكسل وطبعا هتتاكد انك بتستخدم التاجز ده في الموقع <meta name=”robots” content=”max-image-preview:large”>
3- طبعا حاول تبعد عن الأخطاء الإملائية الكتير فى المحتوى او العنوانين ، بلاش تستخدم محتوى مضلل او محتوي منسوخ وابعد عن اى محتوى فيه ابتزاز عنصرية أو بيثير الغضب .
4- لازم من وقت للتاني تحدث محتواك ، لازم المحتوي يكون متوافق مع اهتمام العميل يعني مثل موقع اخباري رياضى لابد انه يوميا يكون بيقدم محتوى لحظي للمتابعينه .
5- لازم صفحاتك تكون متوافقة مع انظمة جوجل من ناحية المصداقية والجدارة بثقة محرك البحث (E-A-T ) .
جوجل في الفترة الأخيرة أصدر متابعة تجربيية من خلالها يقدر العميل او المستخدم يتابع اي موقع بيفتحوا وده يخليك تفكر فى الخلاصات عندك على الموقع وتفعلها على موقعك لو مش مفعلها ، كل ده طبعا أساسه فى الاصل ان يكون موقعك سليم من ناحية السيو وتبقى تفكر بشكل توسعي في اي الافضل ليك كبيزنس بيستثمر وقت ومجهود فى محرك البحث .
