5 أدوات هتساعدك بشكل كبير جدًا في دراسة السوق ومعرفة التريندات
بالنسبة ليك كماركتير النجاح في أي Campaign أو Strategy بيبدأ من فهمك العميق للسوق اللي بتشتغل فيه ومتابعته لكل جديد… عشان كدا مهم جدًا إنك تبقى على دراية دايمًا بالتريندات والمنافسين سواء كان محلي أو عالمي.
وفي البوست دا هشارك معاكم 5 أدوات هتساعدك بشكل كبير جدًا في دراسة السوق ومعرفة التريندات بسهولة في أي دولة أو مجال – وخد بالك التريندات اللي هتفيد فعلًا مش أي حاجة وخلاص..
1. Google Trends:
هي أول أداة من جوجل بتخليك تتابع الـ trending topics في كل الأسواق والدول. تقدر تشوف إيه المواضيع اللي بتهم الناس حاليًا، ودا هيساعدك تركز جهودك التسويقية على المواضيع المهمة.
2. Semrush:
دي أداة تحليلية شاملة بتوفر لك competitive analysis وSEO insights تقدر تشوف إزاي منافسينك بيشتغلوا في مجالاتهم، وكمان تعرف الكلمات المفتاحية اللي شغالة في التريند وتخدم أهدافك التسويقية.
3. BuzzSumo:
لو عاوز تعرف المحتوى اللي بيعمل viral impacts على السوشيال ميديا، BuzzSumo هو الحل. بيخليك تعرف إيه أنواع المحتوى اللي بتجذب الانتباه في مجالك وتقدر تستخدمه لتوجيه استراتيجيتك.
4. Statista:
هي منصة مليانة data وstatistics عن كل الأسواق والصناعات في العالم. هتقدر تستفيد منها في دراسة السوق ومعرفة اتجاهاته المستقبلية بناءً على الأرقام .
5. SimilarWeb:
أداة ممتازة لمراقبة website traffic والمنافسين. تقدر تعرف منين بتيجي زيارات مواقع منافسينك، وإيه المصادر اللي بتحقق لهم أكبر تفاعل، ودا بيساعدك في تحسين استراتيجيتك الخاصة.
دلوقتي شاركنا لو بتستخدم أي أداة من الأدوات دي في شغلك؟ولو فيه أدوات تانية بتستخدمها لدراسة السوق والتريندات بشكل سهل قولنا عليها في الكومنتات متكسلش.
