إزاي تكون حالة خاصة
أكيد سمعت عن مسلسل #حالة_خاصة لأنه تريند حاليًا وتقريبًا كل الناس بتتكلم عنه..
فكرة المسلسل عمومًا مش جديدة وشوفناها في مسلسلات قبل كده، لكن الجديد هو طريقة طرحها ومناقشتها من وجهة نظر أكثر قوة وده اللي شد الناس لمتابعته.
إنه يتكلم عن حالة عندها طيف توحد بس بشكل مُختلف يتكلم عن عبقريتهم وذكائهم الغير عادي وإنهم قادرين يشتغلوا ويتعاملوا وينجحوا كمان. 
خليني أقولك إنك تقدر تنجح نفس النجاح ده مع البراند اللي أنت شغال عليه لو استخدمت الــ Content Marketing
✓ ابحث كتير عن الفئة اللي بتستهدفها، افهم دوافع سلوكها واعرف مشاكلها والـ Pain Point بالنسبالهم.
✓ اعمل سيرش واستلهم أفكارك من مصادر مُختلفة، لازم تتعمق مش بس تكتفي بالقشور اللي بتظهرلك في أول بيدج من الـ Search.
✓ جمع كل أفكارك وقبل ما تطبقهم لازم تفلترهم الأول واسأل نفسك:
هل الفكرة دي واقعية؟ مرنة بشكل كافي إنك تعدلها وتغير فيها عشان تناسب الـ Persona بتاعتك ويفهموك؟ هتلمس الـ Pain Point بتاعتهم؟
✓ وأنت بتنفذ حاول تستخدم الـ Story Telling وتركز على نقطة العواطف -Emotions لأن الناس صعب تنسى المشاعر اللي بتحسسهم بيها.
✓ ضروري تقدم Value أو قيمة حقيقية لعملائك بمعلومات جديدة ومفيدة بالنسبالهم.
لو قدرت تختار أفكارك صح وتتكلم عن مشكلة حقيقية بتواجه عملائك، تبقى ضمنت إن اسم البراند بتاعك يفضل في دماغهم ومش هينسوه لأن هيبقاله Tone مُميزة وهتكون خلقت “حالة خاصة” للبيزنس.
