ايه هي البقرة البنفسجية Purple Cow ؟ وإزاي تستفيد منها ؟
تخيل وجود بقرة بـ لون بنفسجي بجانب مجموعة تانية ألوانهم بيضاء أو سوداء ، أكيد هتكون ملفتة للنظر بشكل واضح وهتبهر كل اللي يشوفها ! وده المعنى الخفي في التسويق ، طيب إزاي ؟
البقرة البنفسجية هي استراتيجة في فن التسويق الذكي ابتكرها المسوّق و رائد الاعمال ” سيث جودين ” وتهدف لـ تمييز المنتج بطريقة جذابة للعملاء وكمان تشجيع العملاء على الشراء من خلال المنفعة اللي هتكون موجودة في خدمتك أو منتجك أو من خلال ابتكارك لمنتج أو خدمة جديدة ومختلفة بمنفعة حقيقة عشان تكون متميز بيها فعلًا بين المنافسين ومُلفت لنظر العملاء
والتسويق باستخدام البقرة البنفسجية بيكون من خلال ٣ محاور أساسية :
– المخاطرة : انك تتحمل مخاطرة انتاج منتج جديد لأن هيكون في احتمال انه ينجح واحتمال انه ميحققش النجاح المطلوب ، ولو عايز تكون مختلف فعلًا لازم تتحمل عنصر المخاطرة .
–التسويق للأشخاص المناسبين : لو استخدمت البقرة البنفسجية يبقى عشان تنجح لازم توجهها للعملاء المناسبين المهتمين بالمنتج أو الخدمة اللي بتقدمها وعندهم قدرة على الشراء .
-استخدام شعار بسيط : مهم انك تستخدم شعار بيعبر عن شركتك وطبيعة المنتجات أو
الخدمات اللي بتقدمها .
أمثلة على استراتيجية البقرة البنفسجية :
-شركة Apple كانت أول شركة تُخاطر بتطبيق فكرة iTunes وهي الاستماع للمقاطع الصوتية بدل من الكاسيت .
-شركة Nike واستخدامها لشعار بسيط ” Just do it “
-شركة Amazon كانت أول شركة تبيع الكتب الإلكترونية وتنتج قارئ صوتي “Kindle “ .
مهم ان يكون عندك بقرة بنفسجية في شركتك زي
-انك تبتكر منتج أو خدمة جديدة ومختلفة
-توفر منفعة حقيقة للعملاء
-تسوّق المنتج أو الخدمة بشكل ذكي
-تعمل دايما على جذب العملاء وتشجيعهم ع الشراء
كل ده هيساعدك تكون ظاهر بين منافسيك ومُلفت لانتباه العملاء ، لكن الأهم انك تستمر في التطوير والابتكار وانتاج أفكار جديدة ومختلفة عشان تكون دايمًا مختلف ومميز
